തിരുവനന്തപുരം:യൂത്ത് കോൺഗ്രസ് മംഗലപുരം മണ്ഡലം കമ്മിറ്റി പ്രതിഷേധ സമരം സംഘടിപ്പിച്ചു. കണിയാപുരം ചിറയിൻകീഴ് റോഡിൽ മുരുക്കുംപുഴയ്ക്ക് സമീപം വരിക്കമുക്കിലെ വെള്ളക്കെട്ടിനു ശാശ്വതമായ പരിഹാരം കാണണമെന്ന് ആവശ്യപ്പെട്ടാണ് ഗതാഗതം തടഞ്ഞുകൊണ്ടുള്ള പ്രതിഷേധ സമരം സംഘടിപ്പിച്ചത്. ഇതേ തുടർന്ന് റോഡിൽ ഏകദേശം ഒരു മണിക്കൂർ ഓളം ഗതാഗതം തടസപ്പെട്ടു.
കോൺഗ്രസ് പാർട്ടി നേതൃത്വം കഴിഞ്ഞവർഷം കൊടുത്ത പരാതിയിൽ ജനുവരിയിൽ PWD എക്സിക്യൂട്ടീവ് എഞ്ചിനീയർ ഈ പ്രശ്നത്തിന് ഉടൻ തന്നെ പരിഹാരം കാണുമെന്ന് മറുപടി നൽകിയിരുന്നു. എന്നാൽ ആറു മാസം കഴിഞ്ഞിട്ടും ഒരു നടപടിയും ഇല്ലാത്തതിൽ പ്രതിഷേധിച്ചാണ് യൂത്ത് കോൺഗ്രസ് സമരവുമായി രംഗത്തുവന്നത്. യൂത്ത് കോൺഗ്രസ് നേതാക്കളായ ഷമീർ.എസ്, മഹിൻ എം കുമാർ,വിജിത്ത്. വി. നായർ ,സാജൻ w പോൾ, മണ്ഡലം കോൺഗ്രസ് കമ്മിറ്റി പ്രസിഡൻറ് എം .എസ് ഉദയകുമാരി, അജിത. എസ്,മുഹമ്മദ് ഈസ , സുരേഷ് അമ്മുസ് , മഹാദേവ് ,കിച്ചു , വിശാഖ്എന്നീ നേതാക്കൾ സമരത്തിന് നേതൃത്വം നൽകി.
