കണിയാപുരം : കണിയാപുരം വാടയിൽമുക്ക് വൈരാം വിളാകം വീട്ടിൽ ബാങ്കർ എന്നറിയപ്പെടുന്ന നുജുമുദീൻ (78) നിര്യാതനായി.
ഇന്ത്യൻ യൂണിയൻ മുസ്ലിം ലീഗ് മുൻ തിരുവനന്തപുരം ജില്ലാ പ്രസിഡന്റും, പള്ളിപ്പുറം പരിയാരത്തുകര മുസ്ലിം ജമാ അത്ത് മുൻ പ്രസിഡന്റ്, മുടപുരം സീതി സാഹിബ് മെമ്മോറിയൽ സ്കൂൾ ട്രസ്റ്റ് ട്രഷറർ, കേരള സഹൃദയവേദി വൈസ് പ്രസിഡന്റ്, ട്രാവൻകൂർ ഷുഗഴ്സ് ഡയറക്ടർ ബോർഡ് അംഗം, മുസ്ലിം അസോസിയേഷൻ മുൻ സെക്രട്ടറി, നിലവിൽ മുസ്ലിം അസോസിയേഷൻ എഡ്യൂക്കേഷൻ ട്രസ്റ്റ് ഡയറക്ടർ ബോർഡ് മെമ്പർ, കണിയാപുരം ഫ്രണ്ട്സ് ഫോറം പ്രസിഡന്റ്, കഴക്കൂട്ടം റൊട്ടറി ക്ലബ് മെമ്പർ എന്നീ നിലകളിൽ പ്രവർത്തിച്ചിരുന്നു. വിവിധ സാമൂഹ്യ സംസ്ക്കാരിക രംഗങ്ങളിൽ പ്രവർത്തിച്ചിരുന്ന ഇദ്ദേഹം തിരുവനന്തപുരം ജില്ലയിൽ മുസ്ലിം ലീഗ് കെട്ടിപടുക്കുന്നതിൽ മഹത്തായ സംഭാവന നൽകിയിട്ടുണ്ട്.
സാബിറയാണ് ഭാര്യ. നൗഫൽ, നിമീർ, നസിയ എന്നിവർ മക്കളും റബീന, ലുബിന, യാസർ എന്നിവർ മരുമക്കളുമാണ്. ഖബടക്കം തിങ്കളാഴ്ച പള്ളിപ്പുറം പരിയാരത്തുകര ജമാഅത്ത് ഖബർസ്ഥാനിൽ.
നുജും സാഹിബിന്റെ നിര്യാണത്തിൽ മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ, അഖിലേന്ത്യ സെക്രട്ടറി പ പി.കെ കുഞ്ഞാലിക്കുട്ടി ., സംസ്ഥാന സെക്രട്ടറി പി എം എ സലാം എന്നിവർ അനുശോചനം രേഖപ്പെടുത്തി
