പാലക്കാട്: സംസ്ഥാനത്ത് നിപ്പ സ്ഥിതീകരിച്ചു. പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലുള്ള പാലക്കാട് നാട്ടുകൽ സ്വദേശിയായ 38 വയസുകാരിക്കാണ് നിപ സ്ഥിരീകരിച്ചത്. പുനെ വൈറോളജി ഇന്സ്റ്റിറ്റ്യൂട്ടില് നിന്നുള്ള പരിശോധനാ ഫലത്തിലാണ് നിപ്പ സ്ഥിതീകരിച്ചത്.
രണ്ട് നിപ കേസുകളുമായി ബന്ധപ്പെട്ട് കോഴിക്കോട്, മലപ്പുറം, പാലക്കാട് ജില്ലകളില് ജാഗ്രതാ നിര്ദേശം നല്കിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. മാത്രമല്ല തച്ചനാട്ടുകര, കരിമ്പുഴ മേഖലയിൽ ജാഗ്രത നിർദേശവും പുറപ്പെടുവിച്ചു.
3 ജില്ലകളില് ഒരേ സമയം പ്രതിരോധ പ്രവര്ത്തനം നടത്താന് നിര്ദേശം നല്കി. 26 കമ്മിറ്റികള് വീതം 3 ജില്ലകളില് രൂപീകരിച്ചു. സമ്പര്ക്ക പട്ടിക തയ്യാറാക്കുന്നതിന് പോലീസിന്റെ കൂടി സഹായം തേടും.കൂടാതെ, രോഗിയുടെ സമ്പർക്കപ്പട്ടികയിലെ നൂറിലധികം പേരെ ഹൈറിസ്ക് പട്ടികയിലും ഉൾപ്പെടുത്തി.തച്ചനാട്ടുകര ഗ്രാമപഞ്ചായത്തിലെ 7, 8, 9, 11 വാർഡുകളും കരിമ്പുഴ പഞ്ചായത്തിലെ 18,19 വാർഡുകളുമാണ് കണ്ടെയ്ൻമെൻ്റ് സോണായി പ്രഖ്യാപിച്ചത്.സ്റ്റേറ്റ് ഹെല്പ്പ് ലൈനും, ജില്ലാ ഹൈല്പ്പ് ലൈനും ഉണ്ടാകും. ജില്ലകളില് ജില്ലാതലത്തില് കണ്ടൈന്മെന്റ് സോണുകള് പ്രഖ്യാപിക്കും. കളക്ടര്മാര് അതനുസരിച്ചുള്ള നടപടികള് സ്വീകരിക്കണം.
