ടെക്സസ്: ടെക്സസിലുണ്ടായ മിന്നൽ പ്രളയത്തിൽ 24 മരണം. നിരവധി പേരെ കാണാതായിട്ടുണ്ട്. സമ്മർ ക്യാംപിൽ പങ്കെടുക്കാനെത്തിയ 20 പെൺകുട്ടികളെയും കാണാതായി. ഇവര്ക്കായുള്ള തിരച്ചില് നടക്കുകയാണ്. ടെക്സസിലെ കെര് കൗണ്ടിയിലാണ് മിന്നല് പ്രളയമുണ്ടായത്.
പ്രതികൂല സാഹചര്യത്തില് രക്ഷാപ്രവര്ത്തനങ്ങള് പുരോഗമിക്കുകയാണ്. ഗ്വാഡലൂപ്പെ നദിയില് 45 മിനിറ്റിനുളളില് ജലനിരപ്പ് 26 അടിയായി ഉയര്ന്നതോടെയാണ് പ്രളയത്തിലേക്ക് മാറിയത്. പ്രളയത്തെ തുടര്ന്ന് ടെക്സസിലെ സ്വാതന്ത്ര്യ ദിനാഘോഷ പരുപാടികൾ റദ്ദാക്കിയിരിക്കുകയാണ്.
വെള്ളിയാഴ്ച രാത്രിയോടെയാണ് വെള്ളപ്പൊക്കമുണ്ടായത്. 25 സെ.മീ. അധികം മഴ പെയ്തതിനെ തുടര്ന്ന് ഗ്വാഡലൂപ്പെ നദിയില് വൊള്ളം പൊങ്ങുകയായിരുന്നു. പ്രദേശത്ത് പ്രളയ മുന്നറിയിപ്പ് സംവിധാനം ഇല്ലായിരുന്നെന്ന് പ്രദേശിക ഭരണകൂടം പറയുന്നു.
