തിരുവനന്തപുരം: കർക്കടകക്കഞ്ഞി രോഗശാന്തിക്കും ആരോഗ്യ സംരക്ഷണത്തിനും ഉത്തമമാണെന്ന് ജില്ലാ പഞ്ചായത്ത് മെമ്പർ പ്രിയദർശിനി പറഞ്ഞു. വർക്കല ജില്ലാ ആയുർവേദ ആശുപത്രിയിൽ കർക്കടകക്കഞ്ഞി വിതരണം ചെയ്യുന്നതിന്റെ ഉദ്ഘാടനം നിർവഹിക്കുകയായിരുന്നു അവർ.
തുടർന്ന് കർക്കടകക്കഞ്ഞിയുടെ പ്രാധാന്യത്തെക്കുറിച്ച് ആശുപത്രി ചീഫ് മെഡിക്കൽ ഓഫീസർ ഡോ. ഷർമദ് ഖാൻ ക്ലാസെടുത്തു. ഡോ. ഗംഗാ പ്രസാദ് സ്വാഗതവും വിദ്യ സിസ്റ്റർ നന്ദിയും പറഞ്ഞു. കിടപ്പുരോഗികളും ഓ.പിയിൽ പലവിധ സർവീസുകൾക്ക് എത്തുന്നവരും പൊതുജനങ്ങളും യോഗ വിദ്യാർത്ഥികളും ജീവനക്കാരും ഉൾപ്പെടെ 200ൽ അധികം പേർക്ക് ഇനിയുള്ള ദിവസങ്ങളിൽ 11 മണിക്ക് ഔഷധ കഞ്ഞി ലഭ്യമാക്കും.
