തിരുവനന്തപുരം: സമൂഹത്തിനു മാതൃകയായി പെരുമാതുറ അൽഫജ്ർ പബ്ലിക് സ്കൂളിലെ വിദ്യാർഥികളും അധ്യാപകരും. പെരുമാതുറ അൽഫജ്ർ പബ്ലിക് സ്കൂളിലെ വിദ്യാർത്ഥികളും, അധ്യാപകരും, പിടിഎ അംഗങ്ങളും ചേർന്ന് വ്യത്യസ്തമായ പരിപാടിയാണ് ലോക ഭക്ഷ്യ ദിനത്തോടനുബന്ധിച്ച് ഇന്ന് സംഘടിപ്പിച്ചത്. കുട്ടികൾ നേരിട്ട് തന്നെയാണ് ഭക്ഷണ പൊതികൾ വിതരണം ചെയ്തത്.
വിദ്യാർത്ഥികളും, അധ്യാപകരും, പിടിഎ അംഗങ്ങളും ചേർന്ന് തയ്യാറാക്കിയ ഭക്ഷണപ്പൊതികൾ തിരുവനന്തപുരം മെഡിക്കൽ കോളേജിലെ രോഗികൾക്കും കൂട്ടിരിപ്പുകാർക്കും വിതരണം ചെയ്തു. കുട്ടികളിൽ സാമൂഹിക സേവനം മനോഭാവവും സഹജീവികളോട് കരുണ വളർത്തുന്നതിനും ഇത്തരം പ്രവർത്തനങ്ങൾ സഹായിക്കും എന്ന് പ്രിൻസിപ്പൽ സജീന.എ അഭിപ്രായപ്പെട്ടു. കെ.ജി ഹെഡ് ഗംഗ, സ്കൂൾ ഫിനാൻസ് ഓഫീസർ സജിത്ത് ഹസൻ, അധ്യാപിക നബീല നസ്റിൻ തുടങ്ങിയവർ പരിപാടിക്ക് നേതൃത്വം നൽകി.
