തിരുവനന്തപുരം: തിരുവനന്തപുരത്ത് ഹോട്ടലില് നടന്ന ഡിജെ പാര്ട്ടിക്കിടെ കൂട്ടത്തല്ല്. നഗരത്തിലെ ഹോട്ടലിൽ സംഘടിപ്പിച്ച പാർട്ടിക്കിടെയാണ് സംഭവം നടന്നത്. രണ്ടു സംഘങ്ങളായി തിരിഞ്ഞാണ് ആക്രമണം നടന്നത്.
തിരുവനന്തപുരം പാളയത്തെ സൗത്ത് പാർക്ക് ഹോട്ടലിലാണ് സംഭവം നടന്നത്. ലഹരി കേസിലെ പ്രതിയും കൊലപാതക കേസിലെ പ്രതിയുമെല്ലാം പാർട്ടിയിൽ പങ്കെടുത്തു. സംഭവത്തിൽ ഹോട്ടലിന് പൊലീസ് നോട്ടീസ് നൽകി.
പാളയത്തെ ഹോട്ടലിലും ഇതിനുപിന്നാലെ റോഡിലും ചേരിതിരിഞ്ഞ് അടി നടന്നു. അതേസമയം അടിപിടിയിൽ ആരും പരാതി നൽകിയിട്ടില്ലെങ്കിലും പൊലീസ് സ്വമേധയാ കേസെടുക്കുമെന്നാണ് പുറത്തുവരുന്ന വിവരം. റോഡിൽ നടന്ന തല്ലിനാണ് പൊലീസ് സ്വമേധയാ കേസെടുക്കുക.
