തിരുവനന്തപുരം: തുമ്പ സെൻ്റ് സേവ്യേഴ്സ് കോളജിലെ 2024-2025 വർഷത്തെ ഫൈനൽ ഇയർ വിദ്യാർത്ഥികളുടെ ബിരുദദാനച്ചടങ്ങ് എക്സലോറിയ – 25 കേരളപ്പിറവി ദിനത്തിൽ നാളെ നവം. 1ന് ഉച്ച കഴിഞ്ഞ് 2 മണിക്ക് ഫാ . ഐക്കര മെമ്മോറിയൽ ഓഡിറ്റോറിയത്തിൽ വച്ച് നടക്കും. രണ്ടാമത്തെ ബിരുദദാനച്ചടങ്ങാണ് നാളെ മുൻ ചീഫ് സെക്രട്ടറി ഡോ. വി.പി. ജോയ് ഐഎഎസ് നിർവ്വഹിക്കുന്നത്.
126 ബിരുദധാരികളാണ് ചടങ്ങിൽ പങ്കെടുക്കുന്നത്. കോളജ് മാനേജർ ഡോ. ( ഫാ.) സണ്ണി ജോസ് എസ്.ജെ . അധ്യക്ഷത വഹിക്കുന്ന ചടങ്ങിൽ കോളജ് പ്രിൻസിപ്പൽ പ്രൊഫ (ഡോ.) തോമസ് സ്കറിയ, വൈസ് പ്രിൻസിപ്പൽ സബ് ലഫ്നൻ്റ് രാജേഷ് എം, ബർസാർ ഡോ. (ഫാ. )ബിജു ജോയി എസ് ജെ , അക്കാദമിക് കോർഡിനേറ്റർ ഡോ. (ഫാ.) ഷിബു ജോസഫ് എസ്. ജെ. പ്രോഗ്രാം കോർഡിനേറ്റർ ഡോ. ദിവ്യ തോമസ് , പി.ടി.എ പ്രസിഡൻ്റ് സുനിൽ ജോൺ,സാദിയ ഫാത്തിമ എന്നിവർ പ്രസംഗിക്കും.
