ആലപ്പുഴ: അരൂരില് മേല്പ്പാലത്തിന്റെ ഗര്ഡറുകള് തകര്ന്നുവീണ് അപകടം. ആലപ്പുഴ പള്ളിപ്പാട് സ്വദേശി രാജേഷ് ആണ് മരിച്ചത്. പിക്കപ്പ് വാനിന് മുകളിലേക്ക് ഗർഡറുകൾ പതിക്കുകയായിരുന്നു. ഇന്ന് പുലർച്ചെ രണ്ടു മണിയോടെയാണ് അപകടം നടന്നത്.
അരൂര് തുറവൂര് ഉയരപ്പാത നിര്മാണം നടക്കുന്ന എരമല്ലൂര് തെക്കുഭാഗത്ത് ഗര്ഡറുകള് സ്ഥാപിക്കുമ്പോള് ജാക്കിയില് നിന്ന് തെന്നിമാറി കോണ്ഗ്രീറ്റ് ഗര്ഡറുകള് നിലം പതിച്ചാണ് അപകടമുണ്ടായത്. നിർമാണത്തിനിടെ രണ്ട് ഗർഡറുകൾ താഴേക്ക് വീഴുകയായിരുന്നു. ഒന്ന് പൂർണമായും മറ്റൊന്ന് ഭാഗികമായുമാണ് പതിച്ചത്.
മണിക്കൂറുകളുടെ പരിശ്രമത്തിനൊടുവിൽ പിക്കപ്പ് വാൻ പൊളിച്ച് ഡ്രൈവറുടെ മൃതദേഹം ആംബുലൻസിലേക്ക് മാറ്റിയിട്ടുണ്ട്. ഗര്ഡറിന്റെ ഒരു ഭാഗം ക്രെയിനുകള് ഉപയോഗിച്ച് ഉയര്ത്തിയാണ് വാഹനം പുറത്തെടുത്തത്. സംഭവത്തിന് പിന്നാലെ ദേശീയപാതയില് ഗതാഗത നിയന്ത്രണം ഏര്പ്പെടുത്തിയിട്ടുണ്ട്.
