ബോളിവുഡ് ഇതിഹാസം ധര്മേന്ദ്ര ( 89) അന്തരിച്ചു. മുംബൈയിലെ വസതിയില് വെച്ചാണ് വിയോഗം. ആരോഗ്യനില വഷളായതിനെ തുടര്ന്ന് ധര്മേന്ദ്ര ആശുപത്രിയില് ആയിരുന്നു. എന്നാല് ആരോഗ്യാവസ്ഥ മെച്ചപ്പെട്ടതോടെ താരം ഡിസ്ചാര്ജ് ആയിരുന്നു.
മരണം സ്ഥിരീകിരിച്ച് കരണ് ജോഹര് ട്വീറ്റ് ചെയ്തു.ആറ് പതിറ്റാണ്ട് ബോളിവുഡിനെ ത്രസിപ്പിച്ച ധര്മേന്ദ്ര മൂന്നൂറോളം സിനിമകളില് അഭിനയിച്ചിട്ടുണ്ട്. 1960 ൽ അർജുൻ ഹിംഗോരാനിയുടെ ദിൽ ഭി തേരാ ഹം ഭി തേരെ എന്ന ചിത്രത്തിലൂടെ അരങ്ങേറ്റം കുറിച്ചു.
രാജ്യം പദ്മഭൂഷണ് നല്കി ആദരിച്ചു. 2009ല് രാജസ്ഥാനില്നിന്ന് ലോക്സഭാംഗമായി. ബോളിവുഡിന്റെ ‘ഹീ-മാൻ’ എന്നായിരുന്നു ധർമ്മേന്ദ്രയ്ക്ക് നൽകിയിരുന്ന വിശേഷണം. അമിതാഭ് ബച്ചന്റെ ചെറുമകന് അഗസ്ത്യ നന്ദ നായകനാവുന്ന ‘ഇക്കിസ്’ ആണ് നടന്റെതായി ഇനി പുറത്തിറങ്ങാനിരിക്കുന്നത്.
60കളിലും 70കളിലും 80കളിലും ഹിന്ദി സിനിമകളിലെ നിറസാന്നിധ്യമായിരുന്നു അദ്ദേഹം. ഹഖീഖത്ത്, ഫൂൽ ഔർ പത്തർ, മേരാ ഗാവ് മേരാ ദേശ്, സീത ഔർ ഗീത, ചുപ്കെ ചുപ്കെ, ഷോലെ തുടങ്ങിയ സിനിമകളിലെ തൻ്റെ വിസ്മയകരമായ പ്രകടനത്തിലൂടെ ധർമേന്ദ്ര ബിഗ് സ്ക്രീനുകൾ ഭരിച്ചു.
