തിരുവനന്തപുരം: പ്രഥമ ഇന്നസെന്റ് ഫൗണ്ടേഷൻ പുരസ്കാരം ചലച്ചിത്ര അക്കാദമി മുൻ ചെയർമാനും നടനും എഴുത്തുകാരനുമായ പ്രേംകുമാറിന്. വ്യത്യസ്ത കഥാപാത്രങ്ങളിലൂടെ അടയാളപ്പെടുത്തിയ അപാരമായ അഭിനയ പ്രതിഭയാണ് പ്രേംകുമാർ എന്ന് സംഘാടകർ പറഞ്ഞു.
ശക്തമായ എഴുത്തുകളും പ്രഭാഷണങ്ങളുമാണ് അദ്ദേഹത്തിന്റേതെന്നും സംഘാടകർ വ്യക്തമാക്കി. സംസ്ഥാന ചലച്ചിത്ര അക്കാദമിയുടെ പ്രവര്ത്തനങ്ങള് ഏറ്റവും സുതാര്യവും ഏറെ ജനകീയവുമാക്കിയ നേതൃപാടവത്തിന് ഉടമയാണ്. 29-ാമത് ഐഎഫ്എഫ്കെ ചരിത്രത്തിലെ ഏറ്റവും ഗംഭീരമായ ചലച്ചിത്ര മേളയായി അവിസ്മരണീയമാക്കിയത് പ്രേംകുമാറിന്റെ സംഘടന മികവുകൊണ്ടാണെന്നും സംഘാടകര് അഭിപ്രായപ്പെട്ടു. ഇങ്ങനെ തുടങ്ങി വിവിധ കാരണങ്ങളാണ് അദ്ദേഹത്തെ പുരസ്കാരാര്ഹനാക്കിയതെന്ന് സംഘാടകര് അറിയിച്ചു.
