തിരുവനന്തപുരം: ശബരിമല സ്വർണകൊള്ള കേസില് മുൻ ദേവസ്വം ബോർഡ് അംഗം വിജയകുമാർ അറസ്റ്റിൽ. പത്മകുമാർ അധ്യക്ഷനായ ബോർഡിലെ അംഗമായിരുന്നു വിജയകുമാർ.2019-ല് എ. പത്മകുമാര് പ്രസിഡന്റായിരുന്ന കാലത്ത് ദേവസ്വം ബോര്ഡ് അംഗമായിരുന്നു വിജയകുമാര്. കെ പി ശങ്കര്ദാസ് ആയിരുന്നു മറ്റൊരംഗം.
എസ്ഐടിയുടെ കൂടിയാലോചനയ്ക്ക് ശേഷമാണ് നടപടി. കൂട്ടുത്തരവാദിത്തമാണെന്ന പത്മകുമാറിന്റെ മൊഴി സാധൂകരിക്കുന്ന നടപടിയാണ് എസ്ഐടിയുടെ ഈ അറസ്റ്റ്. വിജയകുമാർ എസ്ഐടി ഓഫീസില് എത്തി കീഴടങ്ങുകയായിരുന്നു.
ഉദ്യോഗസ്ഥരാണ് സ്വര്ണപാളിയുമായി ബന്ധപ്പെട്ട് കാര്യങ്ങള് നടത്തിയിരുന്നതെന്നും ബോര്ഡ് അംഗമായ തനിക്ക് അതില് പങ്കില്ലെന്നുമാണ് വിജയകുമാര് മുന്പ് പറഞ്ഞിരുന്നത്. താന് ഒരു തെറ്റും ചെയ്തിട്ടില്ലെന്നും തീരുമാനങ്ങളെല്ലാം എടുത്തിരുന്നത് പത്മകുമാര് തനിയെയെന്നും വിജയകുമാര് പ്രതികരിച്ചു.
