തിരുവനന്തപുരം: ടിക്കറ്റ് തുക നല്കാന് വൈകിയ യുവതിയെ കെഎസ്ആര്ടിസി കണ്ടക്ടര് രാത്രി റോഡില് ഇറക്കിവിട്ട സംഭവത്തിൽ നടപടിയുമായി കെ എസ് ആർ ടി സി. സംഭവത്തിൽ കെ.എസ്.ആർ.ടി.സി. കണ്ടക്ടർക്കെതിരെ നടപടി സ്വീകരിച്ചു.
സംഭവത്തില് വെള്ളറട ഡിപ്പോയിലെ എംപാനല് കണ്ടക്ടര് നെല്ലിമൂട് സ്വദേശി സി അനില്കുമാറിനെ ജോലിയില് നിന്ന് പിരിച്ചുവിട്ടു. ഗൂഗിൾ പേ വഴി പണം നൽകിയത് പരാജയപ്പെട്ടതിനെ തുടർന്നാണ്
ഇറക്കിവിട്ടത്.
വെള്ളറട കോട്ടയംവിളാകം റോഡരികത്ത് വീട്ടില് എസ് ദിവ്യയ്ക്കാണ് ദുരനുഭവമുണ്ടായത്. വെള്ളിയാഴ്ച രാത്രിയായിരുന്നു സംഭവം. കണ്ടക്ടർ മോശമായി പെരുമാറിയെന്നതടക്കം കാണിച്ച് ഡിപ്പോ അധികൃതർക്ക് പിറ്റേന്ന് രാവിലെ തന്നെ ദിവ്യ പരാതി നൽകിയിരുന്നു. കെഎസ്ആര്ടിസി വിജിലന്സ് ഉദ്യോഗസ്ഥര് സ്ഥലത്തെത്തി അന്വേഷണം നടത്തി റിപ്പോര്ട്ട് സമര്പ്പിച്ചതിനെ തുടര്ന്നാണ് കണ്ടക്ടറെ ജോലിയില് നിന്ന് ഒഴിവാക്കിയത്.
