തിരുവനന്തപുരം: നിയമസഭാ തെരഞ്ഞെടുപ്പിൽ നേമം സിറ്റിങ് സീറ്റ് നിലനിര്ത്താൻ വി ശിവൻകുട്ടിയെ തന്നെ സിപിഎം സ്ഥാനാര്ത്ഥിയാക്കിയേക്കുമെന്ന റിപ്പോര്ട്ടിനിടെ നിലപാട് വ്യക്തമാക്കി മന്ത്രി വി ശിവൻകുട്ടി. വരുന്ന നിയമസഭാ തിരഞ്ഞെടുപ്പിൽ നേമത്ത് മത്സരിക്കാനില്ലെന്ന് മന്ത്രി അറിയിച്ചു.
മാത്രമല്ല പാര്ട്ടി തീരുമാനം എന്താണോ അത് അനുസരിക്കുമെന്നും അദ്ദേഹം പറഞ്ഞു. നേമം സിറ്റിങ് സീറ്റ് നിലനിര്ത്താൻ വി ശിവൻകുട്ടിയെ തന്നെ സിപിഎം സ്ഥാനാര്ത്ഥിയാക്കിയേക്കുമെന്ന അഭ്യൂഹങ്ങൾക്കിടെയാണ് മന്ത്രിയുടെ പ്രതികരണം.
ഇടതുമുന്നണിയായിരിക്കും സ്ഥാനാര്ത്ഥിത്വം സംബന്ധിച്ച തീരുമാനമെടുക്കുക. പാര്ട്ടി എടുക്കുന്ന തീരുമാനമാണ് തന്റെ തീരുമാനമെന്നും വി ശിവൻകുട്ടി പറഞ്ഞു. അതേസമയം നേമം മണ്ഡലം വീണ്ടും പിടിക്കാൻ സംസ്ഥാന അധ്യക്ഷൻ രാജീവ് ചന്ദ്രശേഖറിനെയാണ് ബിജെപി ഇറക്കുന്നത്. അതിനാൽ നേമത്ത് വീണ്ടും ശിവൻകുട്ടിയെ തന്നെ സ്ഥാനാര്ത്ഥിയാക്കണമെന്ന അഭിപ്രായമാണ് സിപിഎമ്മിലുള്ളത്.
