തിരുവനന്തപുരം: തിരുവനന്തപുരം പേരൂർക്കട ഇഎസ്ഐ ആശുപത്രിയിൽ ശസ്ത്രക്രിയ മുടങ്ങുന്നുവെന്ന് ആരോപണം. മാസങ്ങളായി കീ ഹോൾ സർജറി നടക്കുന്നില്ലെന്നാണ് പരാതിയിൽ പറയുന്നത്. ഇതോടെ നിരവധി രോഗികളാണ് ദുരിതത്തിൽ ആയിരിക്കുന്നത്.
ഇവിടെ കീഹോൾ ശസ്ത്രക്രിയ മുടങ്ങിയിട്ട് മാസങ്ങളായി. ഗുരുതരാവസ്ഥയിലുള്ള രോഗികൾക്ക് പോലും ശാസ്ത്രക്രിയ നടക്കുന്നില്ലെന്നാണ് റിപ്പോർട്ട്. ലാപ്രോസ്കോപ്പി മെഷീൻ തകരാറിലായതാണ് കാരണമെന്നാണ് ആശുപത്രി അധികൃതർ നൽകുന്ന വിശദീകരണം.
നാല്പതിനായിരം രൂപ ഉണ്ടെങ്കിൽ മാത്രമേ മെഷിൻ ശെരിയാക്കാൻ സാധിക്കു. ഇതിനായി സർക്കാരിന് കത്ത് നൽകി കാത്തിരിക്കുകയാണ് ഇ എസ് ഐ അധികൃതർ. എന്നാൽ ആരോഗ്യവകുപ്പിൽ നിന്ന് തുടർനടപടി ഇല്ലെന്നാണ് ഡോക്ടർമാരും പറയുന്നത്. മെഷിൻ പ്രവർത്തനക്ഷമമായാൽ ഉടൻ തന്നെ സർജറി ആരംഭിക്കാമെന്നാണ് ഡോക്ടർമാർ പറയുന്നത്.
