തിരുവനന്തപുരം: തിരുവനന്തപുരത്ത് പൊലീസുകാരുടെ ലഹരിക്കച്ചവടം. രണ്ടു പൊലീസ് ഉദ്യോഗസ്ഥര്ക്ക് സസ്പെന്ഷന്. തിരുവനന്തപുരം റൂറല് കണ്ട്രോള് റൂമിലെ അഭിൻജിത്, രാഹുല് എന്നീ ഉദ്യോഗസ്ഥര്ക്കെതിരെയാണ് നടപടി.
നാര്ക്കോടിക് സെല്ലിന്റെ അന്വേഷണത്തിലെ കണ്ടെത്തലിന് പിന്നാലെയാണ് നടപടി. ലഹരി സംഘങ്ങളെ കേന്ദ്രീകരിച്ച് നടത്തിയ അന്വേഷണത്തിലാണ് ഇവരെ കുറിച്ച് വിവരം ലഭിക്കുന്നത്. രണ്ട് ഉദ്യോഗസ്ഥരും ലഹരിക്കച്ചവടത്തില് നേരിട്ട് പങ്കാളികളായെന്നാണ് നാര്ക്കോടിക് സെല് ഡിവൈഎസ്പിയുടെ കണ്ടെത്തല്.
സംഭവത്തെ തുടർന്ന് അഭിൻജിത്തിനും രാഹുലിനുമെതിരെ സംയുക്ത അന്വേഷണത്തിനും ഉത്തരവായിട്ടുണ്ട്. അച്ചടക്ക ലംഘനം, പെരുമാറ്റദൂഷ്യം, പൊലീസ് സേനയക്ക് അവമതിപ്പ് വരുത്തി തുടങ്ങിയ കുറ്റങ്ങള് പ്രഥമദൃഷ്ട്യ തെളിഞ്ഞിട്ടുണ്ട്. ഇതിന്റെ അടിസ്ഥാനത്തിലാണ് സസ്പെൻഡ് ചെയ്തിരിക്കുന്നത്.
