കണ്ണൂര്: ഇടത് വിരുദ്ധരെ ഉപയോഗിച്ചാണ് കുഞ്ഞികൃഷ്ണന്റെ പുസ്തകപ്രകാശന പരിപാടി നടത്തിയതെന്ന് സിപിഐഎം കണ്ണൂര് ജില്ല സെക്രട്ടറി കെ കെ രാഗേഷ്. പക മൂത്ത് കുഞ്ഞികൃഷ്ണന് അന്ധത ബാധിച്ചുവെന്നും കെക രാഗേഷ് പറഞ്ഞു. പുസ്തകപ്രകാശനത്തിന് ആര്എംപിക്കാര് വരെ ഉണ്ടായിരുന്നു, പുസ്തകത്തിന് കൊടുക്കാമായിരുന്ന പേര് പകയുടെ കണക്ക് പുസ്തകം എന്നായിരുന്നുവെന്നും രാഗേഷ് പത്ര സമ്മേളനത്തില് പറഞ്ഞു.
ഫണ്ട് തട്ടിയെന്ന ആരോപണം ഭാവനാസൃഷ്ടിയാണെന്നും രാഗേഷിന്റെ വിശദീകരിച്ചു. ഫണ്ട് സംബന്ധിച്ചുള്ള കണക്ക് മാധ്യമങ്ങളോട് പറയില്ല എന്നാണ് താന് കഴിഞ്ഞ വാര്ത്താസമ്മേളനത്തില് പറഞ്ഞത്. ജനങ്ങളോട് പറയില്ല എന്നല്ല. ധന്രാജ് രക്തസാക്ഷി ഫണ്ട് പാര്ട്ടി അംഗങ്ങളില് നിന്നും സഹകരണ ജീവനക്കാരില് നിന്നുമാണ് പിരിച്ചത്.
ജനങ്ങള്ക്ക് മുന്നില് കണക്ക് അവതരിപ്പിക്കുമെന്നും പാര്ട്ടി കുടുംബയോഗങ്ങളില് വരവും ചെലവും വിശദീകരിക്കുമെന്നും കെക രാഗേഷ് വ്യക്തമാക്കി. എല്ലാ ബൂത്തുകളിലും അനുഭാവി യോഗങ്ങള് നടത്തും. അവിടെ കണക്ക് അവതരിപ്പിക്കും.
