തിരുവനന്തപുരം: കേരളത്തില് ഇനിയും തുടര് ഭരണം വേണ്ടെന്ന് കവിയും സാഹിത്യ അക്കാദമി ചെയര്മാനുമായ കെ സച്ചിദാനന്ദന്. ഇരു മുന്നണികളും മാറി മാറി ഭരിക്കുന്നതാണ് കേരളത്തിന് നല്ലത്. തുടര് ഭരണത്തില് ബംഗാളില് സംഭവിച്ചത് ഉദാഹരണമായി കാണണമെന്നും സച്ചിദാനന്ദന് പറഞ്ഞു.
ജനാധിപത്യത്തില് പ്രതിപക്ഷവും ഭരണപക്ഷവും മാറി മാറി ഉണ്ടാവുക എന്നതാണ് പൊതുതത്വം. തുടര്ച്ചയായി ഭരണം ലഭിക്കുമ്പോള് പാര്ട്ടി ആഗ്രഹിക്കാത്തവര് പോലും പാര്ട്ടിയിലേക്ക് കടന്നുവരും. പ്രതിപക്ഷത്തിരിക്കുക എന്നത് പാര്ട്ടിയെ ശക്തിപ്പെടുത്താനും ജനങ്ങളിലേക്ക് കൂടുതല് വേരാഴ്ത്തുന്നതിനും സഹായിക്കുമെന്നും സച്ചിദാനന്ദന് പറഞ്ഞു. തൊഴിലാളികള്, കര്ഷകര്, ആദിവാസികള്, ന്യൂനപക്ഷങ്ങള് തുടങ്ങി എല്ലാ വിഭാഗം ജനങ്ങളെയും കേള്ക്കുവാന് ജനാധിപത്യമാണ് ഉണ്ടാകേണ്ടത്. കോണ്ഗ്രസ് ആണ് പത്ത് വര്ഷം ഭരിച്ചതെങ്കിലും താന് ഇതുതന്നെ പറയുമെന്നും സച്ചിദാനന്ദന് പറഞ്ഞു.
