തിരുവനന്തപുരം: കരാറില് പറഞ്ഞിട്ടും സിനിമയുടെ പ്രമോഷന് പരിപാടികളില് ബിജു മേനോന് പങ്കെടുത്തില്ല എന്ന വിഷയത്തില് നിയമ നടപടിയുമായി മുന്നോട്ടുപോകുമെന്ന് നിര്മാതാവ് അനൂപ് കണ്ണന്. കഴിഞ്ഞ ദിവസം സംവിധായകന് ബി ഉണ്ണികൃഷ്ണന് ഈ വിഷയം ഉന്നയിക്കുകയും, ഇതുവഴി നിര്മാതാവിന് 25 ലക്ഷം രൂപ നഷ്ടമായെന്നും പറഞ്ഞിരുന്നു.
ബിജു മേനോനെതിരെ നിയമ നടപടിയുമായി മുന്നോട്ട് പോകുകയാണ്. നടപടി എടുക്കാമെന്ന് നേരത്തെ പ്രൊഡ്യൂസര്സ് അസോസിയേഷന് ഉറപ്പ് നല്കിയിരുന്നുവെന്നും 25 ലക്ഷം രൂപ നഷ്ടമുണ്ടായി എന്നും നിര്മാതാവ് അനൂപ് കണ്ണന് വ്യക്തമാക്കി. ആകെ മൂന്ന് മണിക്കൂര് പ്രമോഷന് പരിപാടിയില് മാത്രമാണ് ബിജു മേനോന് പങ്കെടുത്തത്. പ്രമോഷന് വരാമെന്ന് സമ്മതിച്ചതാണെന്നും പിന്നീട് ബന്ധപ്പെടാന് ശ്രമിച്ചെങ്കിലും പ്രതികരണം ഉണ്ടായില്ല എന്നും അനൂപ് കണ്ണന് പറഞ്ഞു.
