തിരുവനന്തപുരം: ഡോ ഷർമദ് ഖാൻ രചിച്ച “രോഗം ഏതെന്ന് അറിയേണ്ടേ?” എന്ന ആരോഗ്യ ലേഖനങ്ങളുടെ പുസ്തകം ജില്ലാ പഞ്ചായത്ത് പ്രസിഡൻറ് വി പ്രിയദർശിനി പ്രശസ്ത മാധ്യമപ്രവർത്തകനും രചയിതാവുമായ എം.ബി സന്തോഷിന് നൽകി പ്രകാശനം ചെയ്തു . പ്രശസ്ത ചിത്രകാരൻ കാരയ്ക്കാമണ്ഡപം വിജയകുമാർ, ഡോ. ഫൈസൽ ഖാൻ, ജില്ലാ പഞ്ചായത്ത് സെക്രട്ടറി വിജയകുമാർ, ഫിനാൻസ് ഓഫീസർ അരവിന്ദ്, ഭഗത്, മാധ്യമ പ്രവർത്തകനായ വിമൽ, അനിൽ, ചിന്ത മാർക്കറ്റിംഗ് മാനേജർഎന്നിവർ സന്നിഹിതരായിരുന്നു. വർക്കല ജില്ലാ ആയുർവേദ ആശുപത്രി ചീഫ് മെഡിക്കൽ ഓഫീസറായ ഡോ. ഷർമദ് ഖാൻ്റെ മരുന്ന് മാത്രമാണോ ചികിത്സ ?, രോഗിയാകാൻ ഇത്ര ധൃതി എന്തിന്? എന്നീ ഗ്രന്ഥങ്ങൾ പൊതുജനങ്ങൾക്ക് വളരെ ഉപകാരപ്പെട്ട നിർദ്ദേശങ്ങൾ നൽകുന്നവയായിരുന്നു.
