തിരുവനന്തപുരം: പാലക്കാട്, ചേലക്കര, വയനാട് വോട്ടെണ്ണൽ തുടങ്ങി. ആദ്യ മണിക്കൂറുകളിൽ തന്നെ ലീഡ് നില മാറി മറിയുകയാണ്. ചേലക്കരയില്‍ 72.29 ശതമാനം വോട്ടാണ് രേഖപ്പെടുത്തിയത്. അതുപോലെ വയനാട്ടില്‍ 64.27 ശതമാനം പോളിങ്ങും പാലക്കാട് ഇത്തവണ 70.51 ശതമാനം പോളിങ്ങാണ് രേഖപ്പെടുത്തിയിരിക്കുന്നത്.
നിലവിൽ ചേലക്കരയിൽ എൽഡിഎഫ് സ്ഥാനാർഥി യുആ‍‍ർ പ്രദീപ് 4498 വോട്ടിന് മുന്നിലാണ്. ഇവിടെ ലോക്സഭയിലേക്ക് ആദ്യ രണ്ട് പഞ്ചായത്തിൽ യുഡിഎഫ് സ്ഥാനാർത്ഥി രമ്യ നേടിയത് 9600 വോട്ടായിരുന്നു. അതെ സമയം 68,917 വോട്ടുകൾക്ക് വയനാട്ടിൽ കോൺഗ്രസ് സ്ഥാനാർത്ഥി പ്രിയങ്ക ഗാന്ധി മുന്നേറുന്നു. സത്യൻ മൊകേരി 20678 വോട്ട് നേടി. നവ്യ ഹരിദാസ് 11235 വോട്ടും നേടി. അതുപോലെ പാലക്കാട് യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ 1418വോട്ടിന് മുന്നിലാണ്.
