തിരുവനന്തപുരം: ഹയർ സെക്കൻഡറി വൊക്കേഷണൽ ഹയർ സെക്കൻഡറി പരീക്ഷാ ഫലം പ്രഖ്യാപിച്ചു. വിദ്യാഭാസവകുപ്പ് മന്ത്രി വി ശിവൻകുട്ടിയാണ് ഫലം പ്രഖ്യാപിച്ചത്. പ്ലസ് ടുവിൽ 77.81% ആണ് ഇത്തവണത്തെ വിജയശതമാനം. കഴിഞ്ഞ വർഷം 78.69 ശതമാനം പേരാണ് വിജയിച്ചത്.
അതെ സമയം വൊക്കേഷണല് ഹയര്സെക്കന്ഡറി പരീക്ഷയില് സംസ്ഥാനത്തെ 70.6 ശതമാനം കുട്ടികളാണ് വിജയിച്ചത്. 71.42 ശതമാനമായിരുന്നു കഴിഞ്ഞ വര്ഷത്തെ വിജയശതമാനം. വൊക്കേഷണല് ഹയര്സെക്കന്ഡറി വിഭാഗത്തില് കൂടുതല് വിജയശതമാനം വയനാട് ജില്ലയിലും ( 84.46) കുറവ് കാസര്ഗോഡ് ജില്ലയിലും ( 61.70) ആണ്.
പ്ലസ് ടുവിൽ എറണാകുളം ജില്ലയിലാണ് വിജയശതമാനം കൂടുതൽ (83.09). വിജയശതമാനം കുറവ് കാസർകോട് ജില്ലയിലാണ് (71.09). ജൂൺ 21 മുതൽ സേ പരീക്ഷ ആരംഭിക്കും. 3,70,642 വിദ്യാര്ത്ഥികളാണ് രണ്ടാം വർഷ ഹയർസെക്കണ്ടറി പരീക്ഷ എഴുതിയത്. ഉപരിപഠനത്തിന് യോഗ്യത നേടിയത് 2,88,394 വിദ്യാര്ത്ഥികളാണ്.
