തിരുവനന്തപുരം: ഓണം അടക്കമുള്ള ഉത്സവ സീസണിൽ ടിക്കറ്റ് നിരക്ക് വർധിപ്പിക്കാനൊരുങ്ങി കെഎസ്ആർടിസി. ഓണത്തിന് ടിക്കറ്റ് നിരക്ക് വർധിപ്പിക്കുന്നത് അന്തർ സംസ്ഥാന സർവീസുകളിലാണ്. 30 ശതമാനം വരെയാവും വർധന ഉണ്ടാകുക.
നിരക്കിൽ മാറ്റമുണ്ടാവുക ഓഗസ്റ്റ്, സെപ്ടംബർ, ഒക്‌ടോബർ മാസങ്ങളിലാണ്. എക്സ്പ്രസ് മുതൽ മുകളിലേക്കുള്ള ബസുകളിലാണ് നിരക്ക് ഉയർത്തുക. മാത്രമല്ല 5 ശതമാനം വരെയാണ് സിംഗിൽ ബർത്ത് ടിക്കറ്റുകളുടെ നിരക്ക് വർധിപ്പിക്കുക. ഉത്സവ ദിവസങ്ങളല്ലാത്ത സമയത്ത് 15 ശതമാനം നിരക്ക് കുറയ്ക്കുമെന്നുമാണ് സൂചന.
