കഴക്കൂട്ടം: കഴക്കൂട്ടം എ ജെ കോളേജ് ഓഫ് പാരാമെഡിക്കൽ സയൻസിൽ 2020 -2022 റെഗുലർ ബാച്ചിലെ ഡിപ്ലോമ ഇൻ മെഡിക്കൽ ലബോറട്ടറി ടെക്നോളജി (DMLT) കോഴ്‌സിൽ ഉയർന്ന മാർക്ക് കരസ്ഥമാക്കിയ വിദ്യാർഥികളെ അനുമോദിച്ചു. രണ്ട് ഡിസ്റ്റിൻഷനും, 13 ഫസ്റ്റ് ക്ലാസും ഉള്‍പ്പെടെ 85% ഉയർന്ന വിജയശതമാനം കരസ്ഥമാക്കിയ വിദ്യാര്‍ഥികളെയാണ് എ ജെ കോളേജ് ഓഫ് പാരാമെഡിക്കൽ സയൻസിൽ വച്ച് നടന്ന ചടങ്ങിൽ മൊമെൻറ്റോ നല്‍കി അനുമോദിച്ചത്.
കേരളത്തിലെ പാരാമെഡിക്കല്‍ സ്ഥാപനങ്ങളില്‍ നിന്നും ഉയര്‍ന്ന വിജയശതമാനം കരസ്ഥമാക്കിയ സ്ഥാപനങ്ങളില്‍ ഒന്നാണ് എ ജെ കോളേജ് ഓഫ് പാരാമെഡിക്കൽ സയൻസ്. ചടങ്ങില്‍ എ ജെ കോളേജ് ഓഫ് പാരാമെഡിക്കൽ സയൻസ് ജനറൽ മാനേജർ ഉസ്മാൻ കോയ അധ്യക്ഷത വഹിച്ചു. പ്രിൻസിപ്പൽ ഷീബ രാജൻ പ്രധാന സന്ദേശം നൽകി.
കഴക്കൂട്ടം എ ജെ ഹോസ്പിറ്റൽ മെഡിക്കൽ സുപ്രണ്ട് ഡോ ആൽബർട്ട് ബബ്‌ജി വിൽസ് ജെ, ക്വാളിറ്റി മാനേജർ മനാഫ്, നഴ്‌സിംഗ് സൂപ്രണ്ട് ഇന്ത്യ, കഴക്കൂട്ടം എ ജെ സ്കൂൾ ഓഫ് നഴ്‌സിംഗ് പ്രിൻസിപ്പൽ സുമയ്യ, മുൻ ഡിഎംഎൽടി പ്രിൻസിപ്പൽ ആഞ്ജലീന, ടൂട്ടർമാരായ ശ്രീലക്ഷ്മി, അഭിരാമി എന്നിവര്‍ ആശംസകള്‍ നേര്‍ന്നു. വിദ്യാര്‍ഥി പ്രധിനിധികളായ മുബാറക്, ഫെമിന ഫാത്തിമ എന്നിവര്‍ യോഗത്തിൽ സംസാരിച്ചു.
