കണിയാപുരം: തിരുവനന്തപുരം ജില്ലയിലെ പുരാതനമായ പള്ളിപ്പുറം ശ്രീ തോന്നൽ ദേവീക്ഷേത്രത്തിന്റെ വികസനത്തിനും , ക്ഷേത്രകലകളുടെയുടേയും, വാദ്യ കലകളുടേയും സംരക്ഷണത്തിനും സാമൂഹ്യ നന്മയ്ക്കായുള്ള പ്രവർത്തനങ്ങൾക്കും വേണ്ടി രൂപം കൊടുത്ത ഭക്തജനസേവാ സമിതി ഇക്കഴിഞ്ഞ മണ്ഡലച്ചിറപ്പ് മഹോത്സവത്തോടനുബന്ധിച്ച് നടത്തിയ വിവിധ പരിപാടികളിൽ നിന്നും സമാഹരിച്ച തുകയിൽ നിന്നും നിർധനരായ ക്യാൻസർ രോഗികൾക്ക് ധനസഹായം നൽകി.
പള്ളിപ്പുറം എൻഎസ്എസ് ഹാളിൽ നടന്ന ചടങ്ങിൽ വച്ച് സിനിമാനടനും ബിഗ് ബോസ് റിയാലിറ്റി ഷോയിലൂടെ ശ്രദ്ധേയനുമായ ഡോക്ടർ .രജിത്കുമാർ ധനസഹായം വിതരണത്തിന്റെ ഉദ്ഘാടനം നിർവഹിച്ചു. പതിനഞ്ചോളം കുടുംബങ്ങൾക്കാണ് ധനസഹായം നൽകിയത്. ചടങ്ങിൽ സേവാ സമിതി രക്ഷാധികാരി കെ ശ്രീലാൽ പ്രസിഡൻറ് കെ വിശ്വകുമാർ സെക്രട്ടറി ജെ.പി പ്രദീപ്കുമാർ ,അശ്വതി സിൽക്സ് ആൻഡ് സാരീസ് മാനേജർ കൈലാസനാഥ് ,കല്യാൺ ഫാബ്രിക്സ് എംഡി അൻവർ തുടങ്ങിയവർ സംബന്ധിച്ചു.
