ഡൽഹി: വിദ്യാഭ്യാസ – ആരോഗ്യ മേഖലകളിലെ കേരളത്തിന്റെ മികവ് രാജ്യം കണ്ട് പഠിക്കണമെന്ന് ഡൽഹി മുഖ്യമന്ത്രി അരവിന്ദ് കെജ്രിവാള്. കേരളത്തിലെ സ്കൂളുകളും ആരോഗ്യ മേഖലയും മികച്ചകതാണെന്ന് ചെറിയ പ്രായം മുതല് നമ്മള് കേട്ടുതുടങ്ങുന്നതാണ്.
കേരളത്തിൽ ഇത്രയും മികച്ച സംവിധാനങ്ങള് ഉണ്ടായിട്ടും മറ്റു സംസ്ഥാനങ്ങള് ഇതുവരെ കേരളത്തെ കണ്ട് പഠിക്കാന് തയാറായിട്ടില്ലെന്നും കെജ്രിവാള്. വര്ഷങ്ങളായി കേരളത്തിലെ ആരോഗ്യ മേഖലയും സ്കൂളുകളും മികച്ചതായി തന്നെ നില്ക്കുകയാണ്. കേന്ദ്രം ഇപ്പോഴും സംസ്ഥാന സര്ക്കാരുകളോടും ജുഡീഷ്യറിയോടും കര്ഷകരോടും സാധാരണ ജനങ്ങളോടും അടികൂടിക്കൊണ്ടിരിക്കുകയാണെന്നും കെജ്രിവാള് കൂട്ടിച്ചേര്ത്തു.
