പേരൂര്‍ക്കട: സ്റ്റുഡന്‍റ് പോലീസ് കേഡറ്റ് സെറിമോണിയല്‍ പരേഡ് ചൊവ്വാഴ്ച (ഫെബ്രുവരി ഏഴ്) തിരുവനന്തപുരത്ത് പേരൂര്‍ക്കട എസ്.എ.പി പരേഡ് ഗ്രൗണ്ടില്‍ നടക്കും.
വൈകിട്ട് 4.45 ന് ആരംഭിക്കുന്ന പരേഡില്‍ മുഖ്യമന്ത്രി പിണറായി വിജയന്‍ അഭിവാദ്യം സ്വീകരിക്കും. സംസ്ഥാന പോലീസ് മേധാവി അനില്‍കാന്തും മറ്റ് മുതിര്‍ന്ന ഉദ്യോഗസ്ഥരും ചടങ്ങില്‍ സംബന്ധിക്കും.
തിരുവനന്തപുരം സിറ്റിയിലെയും റൂറലിലെയും സ്കൂളുകളില്‍ നിന്നായി 16 പ്ലാറ്റൂണുകളാണ് പരേഡില്‍ പങ്കെടുക്കുന്നത്. 500 കേഡറ്റുകള്‍ പരേഡിന്‍റെ ഭാഗമാകും. കൊല്ലം റൂറൽ പൂയപ്പളളി ഗവൺമെന്റ് ഹൈ സ്കൂളിലെ ബാന്റ് സംഘമാണ് ബാന്റ് ഒരുക്കുന്നത്.
ചൊവ്വാഴ്ച വൈകിട്ട് 4.45 മുതല്‍ സ്റ്റേറ്റ് പോലീസ് മീഡിയ സെന്‍ററിന്‍റെയും സ്റ്റുഡന്‍റ് പോലീസ് കേഡറ്റിന്‍റെയും ഫെയ്സ് ബുക്ക് പേജുകളില്‍ പരേഡ് തത്സമയം കാണാം.
