കൊച്ചി: മുഖ്യമന്ത്രിയുടെ അഡീഷണൽ പ്രൈവറ്റ് സെക്രട്ടറി സിഎം രവീന്ദ്രന് വീണ്ടും ഇഡിയുടെ നോട്ടീസ്. ലൈഫ് മിഷൻ കോഴകേസിലാണ് നോട്ടീസ് നൽകിയത്. ചോദ്യം ചെയ്യലിന് ഈ മാസം ഏഴിന് രാവിലെ പത്തരയോടെ ഹാജരാവാനാണ് നോട്ടീസ്. നേരത്തെ കഴിഞ്ഞ തിങ്കളാഴ്ച്ച ഹാജരാവാനാണ് ഇഡി നോട്ടീസ് അയച്ചിരുന്നത്.എന്നാൽ രവീന്ദ്രൻ ഹാജരായിരുന്നില്ല.
നിയമസഭ നടക്കുന്നതിന്‍റെ തിരക്കുകളായതിനാൽ ഹാജരാവാനാവില്ലെന്നാണ് രവീന്ദ്രൻ ഇഡിയെ അറിയിച്ചിരുന്നത്. എന്നാൽ ചോദ്യം ചെയ്യലിൽ നിന്നും ഒഴിഞ്ഞുമാറുന്നതിനുള്ള ശ്രമമാണിതെന്നാണ് ഇഡിയുടെ വിലയിരുത്തൽ. 7-ാം തീയതിയും ഹാജരായില്ലെങ്കിൽ കടുത്ത നടപടിയിലേക്ക് കടക്കാനാണ് ഇഡിയുടെ തീരുമാനം. ഇ ഡിക്ക് 3 തവണ നോട്ടീസ് അയച്ചിട്ടും ഹാജരായില്ലെങ്കിൽ അറസ്റ്റുചെയ്യാനുള്ള അധികാരമുണ്ട്.
അതേസമയം,ഇഡി ലൈഫ് മിഷൻ ചീഫ് എക്സിക്യൂട്ടിവ് ഓഫീസർക്കും നോട്ടീസ് അയച്ചു. പിബി നൂഹ് ഐഎഎസ് ഇന്ന് ഹാജരാകണമെന്നാണ് ഇഡിയുടെ നോട്ടീസ്.
