തിരുവനന്തപുരം: ആറ്റിങ്ങലിൽ എടിഎം കൗണ്ടറിന് തീപിടിച്ചു. ആറ്റിങ്ങൽ ആലംകോടുള്ള ഫെഡറൽ ബാങ്കിന്റെ എടിഎം കൗണ്ടറിനാണ് തീപിടിച്ചത്. സംഭവം നടന്നത് ഇന്ന് രാവിലെ എട്ടരയോടെയായിരുന്നു. തീ പിടിച്ചതോടെ കൗണ്ടറിൽ നിന്നും പുക ഉയരുന്നതും പിന്നാലെ ഫയർ അലാറം അടിക്കുകയും ചെയ്യുകയായിരുന്നു. ഇതു ശ്രദ്ധയിൽപ്പെട്ട ഉടനെ നാട്ടുക്കാർ പൊലീസിനെയും അഗ്നിശമന സേനയും വിവരമറിയിക്കുകയായിരുന്നു.
അഗ്നിശമന സേന ഉടന് സ്ഥലത്തെത്തിയതിനാൽ വലിയ അപകടമാണ് ഒഴിവായത്. തീപിടുത്തത്തിൽ എടിഎം കൗണ്ടറിന്നുള്ളിലെ എസി ഉൾപ്പടെയുള്ള യാന്ത്രസാമഗ്രികൾ ഭാഗികമായി കത്തി നശിച്ചതായി അഗ്നിശമന സേന അറിയിച്ചു. ഷോർട്ട് സർക്യൂട്ടാകാം തീപിടുത്തത്തിന് കാരണം എന്നാണ് പ്രാഥമിക നിഗമനം.
