spot_imgspot_img

കഴക്കൂട്ടത്ത് ബസ് കാത്തിരിപ്പ് കേന്ദ്രത്തിന് വേണ്ടി തമ്മിലടി

Date:

കഴക്കൂട്ടം: കഴക്കൂട്ടത്ത് ദേശീയ പാതയിൽ ബസ് കാത്തിരിപ്പ് കേന്ദ്രത്തിനു വേണ്ടി തമ്മിലടി. സ്ഥലത്തെ ഓട്ടോക്കാരാണ് തർക്കവുമായി രംഗത്തെത്തിയിരിക്കുന്നത്. സംഭവസ്ഥലത്ത് ഓട്ടോക്കാരുടെ പോസ്റ്റർ പ്രചരണവും തർക്കവും അരങ്ങേറി. തർക്കത്തിനൊടുവിൽ കെ എസ് ആർ ടി സി സ്ഥാപിച്ച ബസ് സ്റ്റോപ്പ് ബോർഡ് എടുത്ത് മാറ്റി.

എലിവേറ്റഡ് ഹൈവേ നിർമ്മാണം സമയത്താണ് തർക്കത്തിനാസ്പദയമായ സംഭവം ആരംഭിച്ചത്. നിർമ്മാണം നടന്ന സമയത്ത് കഴക്കൂട്ടത്തെ ബസ് സ്റ്റോപ്പ് താൽക്കാലികമായി കഴക്കൂട്ടം ശ്രീകാര്യം റോഡിന്റെ വശത്തേക്ക് മാറ്റി സ്ഥാപിച്ചിരുന്നു. തുടർന്ന് നിർമ്മാണം പൂർത്തിയായതോടെ പഴയ സ്ഥലത്ത് പുതിയ ബസ് കാത്തിരിപ്പുകേന്ദ്രം ദേശീയപാത അതോറിട്ടി നിർമ്മിച്ചിരുന്നു. എന്നാൽ ബസ് കാത്തിരിപ്പ് കേന്ദ്രം ഇപ്പോൾ ഇരിക്കുന്ന താൽകാലിക സ്ഥലത്ത് തന്നെ മതി എന്ന് പറഞ്ഞാണ് ഒരു വിഭാഗം ഓട്ടോ ഡ്രൈവർമാർ രംഗത്തെത്തിയിരിക്കുന്നത്. ഇതിന്റെ നിർമ്മാണ സമയത്തും ഇവർ ഇത്തരത്തിൽ പ്രശ്നമുണ്ടാക്കിയിരുന്നു.
തുടർന്ന് പോലീസെത്തിയതോടെയാണ് ഇവർ പിന്മാറിയത്.

ഇന്നലെ രാവിലെ പുതിയ കാത്തിരിപ്പ് കേന്ദ്രത്തിൽ പുന:സ്ഥാപിച്ച ബസ് സ്റ്റോപ്പ് ബോർഡ് വൈകുനേരത്തോടെ കെ എസ് ആർ ടി സി ഉദ്യോഗസ്ഥരെത്തി വീണ്ടും ഫെഡറൽ ബാങ്കിനു സമീപത്തുളള താൽകാലിക കാത്തിരിപ്പ് കേന്ദത്തിലേക്ക് മാറ്റി. ഇതിനെതിരെ കഴക്കൂട്ടത്തെ സംയുക്ത തൊഴിലാളിസംഘടനയിലെ നേതാക്കൾ പോലീസിൽ പരാതി നൽകി.ദേശീയപാത അതോറിറ്റി നിർമിച്ച സ്ഥലത്ത് തന്നെ ബസ്റ്റോപ്പ് ബോർഡും സ്ഥാപിക്കണമെന്നാണ് നേതാക്കൾ പറയുന്നത്. ഇല്ലെങ്കിൽ ശക്തമായ സമരപരിപാടികൾ സംഘടിപ്പിക്കും എന്നും സംയുക്ത ട്രേഡ് യൂണിയൻ നേതാക്കൾ പറഞ്ഞു.

Share This Post

LEAVE A REPLY

Please enter your comment!
Please enter your name here

Subscribe

Popular

More like this
Related

നിപ ലക്ഷണങ്ങളുമായി യുവതി; സ്രവം പരിശോധനയ്ക്ക് അയച്ചു

കോഴിക്കോട്: കോഴിക്കോട് മെഡിക്കൽ കോളേജിൽ നിപ ലക്ഷണങ്ങളുമായി യുവതി ചികിത്സയിൽ. മലപ്പുറം...

അബദ്ധത്തിൽ വെടിപൊട്ടി, പോലീസുകാരിക്ക് പരിക്ക്; സിപിഒക്ക് സസ്‌പെൻഷൻ

തലശ്ശേരി: തോക്ക് വൃത്തിയാക്കുന്നതിനിടെ അബദ്ധത്തിൽ വെടിപൊട്ടി പൊലീസ് ഉദ്യോഗസ്ഥയ്ക്ക് പരിക്ക്. കണ്ണൂർ...

വഖഫ് ബില്ല്; സുപ്രീം കോടതിയെ സമീപിക്കാൻ മുസ്ലിം ലീഗ്

കോഴിക്കോട്: വഖഫ് ഭേദഗതി ബില്ലിനെതിരെ സുപ്രീം കോടതിയെ സമീപിക്കാൻ മുസ്ലിം ലീഗ്....

പുരോഹിതരെ ആക്രമിച്ച സംഭവം; കേസ് എടുത്ത് പൊലീസ്

ഭോപ്പാൽ: മധ്യപ്രദേശിലെ ജബൽപ്പൂരിൽ രണ്ട് ക്രിസ്ത്യൻ പുരോഹിതർക്ക് നേരെ ഉണ്ടായ ആക്രമണത്തിൽ...
Telegram
WhatsApp