കൊച്ചി: പോലീസിനെതിരെ രൂക്ഷ വിമർശനവുമായി കെപിസിസി അധ്യക്ഷന്‍ കെ സുധാകരന്‍. കൊച്ചിയിലെ പൊലീസ് ‘കൊടിച്ചിപട്ടികളാണെന്ന്’ കെ സുധാകരൻ. പോലീസിനെ ഓടിച്ചിട്ട് തല്ലാന്‍ കെൽപ്പുള്ളവരാണ് കോൺഗ്രസ് പ്രവർത്തകരെന്നും അദ്ദേഹം പറഞ്ഞു.
അതേസമയം എം വി ഗോവിന്ദൻ അഴിമതിക്കാരനല്ലാത്ത നേതാവെന്നും കെ സുധാകരൻ പറഞ്ഞു. അഴിമതിക്കാരനായ മുഖ്യമന്ത്രിക്ക് ചൂട്ടു പിടിക്കുന്നുവെന്ന വിമർശനമാണ് ഗോവിന്ദനോടുള്ളത്. മുഖ്യമന്ത്രിയുടെ അഴിമതിക്കെതിരെ പ്രതികരിക്കാനുള്ള നട്ടെല്ല് എം.വി.ഗോവിന്ദൻ കാണിക്കണമെന്നും സുധാകരൻ കൂട്ടിച്ചേർത്തു.
പിണറായി വിജയനെ ചങ്ങലയ്ക്കിടാന്‍ കഴിഞ്ഞില്ലെങ്കിൽ സിപിഐഎം പിരിച്ചുവിടണം. തുക്കട പൊലീസിനെ കാണിച്ച് കോൺഗ്രസിനെ ഭയപ്പെടുത്താന്‍ ശ്രമിക്കണ്ട. നീതി കാണിച്ചില്ലെങ്കിൽ പൊലീസാണെന്ന് നോക്കില്ലെന്നും സുധാകരന്‍ പറഞ്ഞു.
