തിരുവനന്തപുരം: സാമൂഹികശാസ്ത്ര വിദ്യാഭ്യാസത്തിനായി 1963ൽ ജെസ്യൂട്ട്സ് എന്ന് ഈശോ സഭ സ്ഥാപിച്ച ലയോള കോളേജ് ഒഫ് സോഷ്യൽ സയൻസസ് 60-ാം പിറന്നാളാഘോഷത്തിന്റെ ഒരുക്കത്തിലാണ്. വജ്രജൂബിലി ആഘോഷത്തിന്റെ തുടക്കമെന്നോണം പുതിയ ഡയമണ്ട് ജൂബിലി ബ്ലോക്ക് ഉദ്ഘാടനം 30ന് വൈകിട്ട് 5ന് ലയോള ഡയമണ്ട് ജൂബിലി ഹാളിൽ മുഖ്യമന്ത്രി പിണറായി വിജയൻ നിർവഹിക്കും.
പ്രതിപക്ഷനേതാവ് വി ഡി സതീശൻ വജ്രജൂബിലി ആഘോഷങ്ങളുടെ ഉദ്ഘാടനം നിർവഹിക്കും. മന്ത്രി ആർ ബിന്ദുവിന്റെ അദ്ധ്യക്ഷതയിൽ നടക്കുന്ന ചടങ്ങിൽ ലയോള സ്ഥാപനങ്ങളുടെ മാനേജരും റെക്ടറുമായ ഫാ സണ്ണി കുന്നപള്ളിൽ, കേരള ജെസ്യൂട്ട് പ്രവിശ്യ പ്രൊവിൻഷ്യൽ ഫാ ഇ പി മാത്യു എസ് ജെ, കേരള സർവകലാശാല വൈസ് ചാൻസലർ പ്രൊഫ ഡോ മോഹനൻ കുന്നുമ്മൽ, ലയോള കോളേജ് ഒഫ് സോഷ്യൽ സയൻസസ് പ്രിൻസിപ്പൽ ഡോ സജി പി ജേക്കബ് തുടങ്ങിയവർ പങ്കെടുക്കും.
