ട്രെയിനിൽ തീ കൊളുത്തി; സഹയാത്രികനെയാണ് തീ കൊളുത്തിയത്, കോഴിക്കോടാണ് സംഭവം, തീ കൊളുത്തിയ ആൾ രക്ഷപ്പെട്ടു.
അഞ്ചോളം പേർക്ക് പരിക്ക്, ഒരാളുടെ നില ഗുരുതരം.
പോലീസ് അന്വേഷണം ആരംഭിച്ചു
കോഴിക്കോട്: ടെയിനിൽ സഹയാത്രികന് നേരേ തീ കൊളുത്തി. ആലപ്പുഴ-കണ്ണൂർ എക്സിക്യുട്ടീവ് ട്രെയിനിൽ യാത്രക്കാരനാന്ന് സഹയാത്രികന്‍റെ ദേഹത്താണ് തീ കൊളുത്തിയത്. ട്രെയിനിന്‍റെ ഡി1 കമ്പാർട്ട്മെന്‍റിലെ യാത്രക്കാരന് ഉൾപ്പെടെ അഞ്ചോളം പേർക്ക് പൊള്ളലേറ്റതായാണ് വിവരം. ഇവരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
കോഴിക്കോട് കോരപ്പുഴ -എലത്തൂർ പാലത്തിന് മുകളിൽവെച്ചാണ് സംഭവം. പെട്രോൾ ഒഴിച്ചു തീ കൊളുത്തിയ ആൾ ചെയിൻ വലിച്ച് ട്രെയിൻ നിർത്തിയ ശേഷം ഓടി രക്ഷപ്പെട്ടു.
സംഭവത്തിന് പിന്നാലെ ട്രെയിൻ അടിയന്തരമായി നിർത്തി. തുടർന്ന് യാത്രക്കാർ റെയിൽവേ പൊലീസിന്‍റെ സഹായം തേടി. തുടർന്ന് പൊള്ളലേറ്റയാളെ ആശുപത്രിയിലേക്ക് മാറ്റിയ ശേഷമാണ് ട്രെയിൻ യാത്ര പുനരാംരംഭിച്ചത്.
വാക്കുതർക്കത്തിന് പിന്നാലെയാണ് തീ കൊളുത്തിയതെന്നാണ് വിവരം. വാക്കുതർക്കത്തിന് കാരണം എന്താണെന്ന് അറിവായിട്ടില്ല.
<span;>സംഭവ സ്ഥലത്ത് പോലീസ് പരിശോധന ആരംഭിച്ചു.
