തിരുവനന്തപുരം: കെഎസ്ആർടിസിയിൽ വിദ്യാർഥികൾക്കുള്ള കണ്‍സെഷന്‍ അപേക്ഷ ജൂലൈ മുതൽ അപേക്ഷിക്കാം. ഓൺലൈനായിട്ടാണ് അപേക്ഷിക്കേണ്ടത്. നിശ്ചിത തുകയും അനുബന്ധ രേഖകളും സൈറ്റിൽ അപ്‌ലോഡ് ചെയ്യണം. തുടർന്ന് കണ്‍സെഷന്‍ കാർഡ് എപ്പോഴാണ് ലഭിക്കുക എന്ന് ഫോണിൽ സന്ദേശമെത്തും. അതിനു ശേഷം ഡിപ്പോയിലെത്തി കണ്‍സെഷന്‍ കാർഡ് കൈപ്പറ്റാം.
കണ്‍സെഷന്‍ കാർഡിന്‍റെ പ്രായ പരിധി 25 വയസ് എന്നത് ജൂൺ മുതൽ നിർബന്ധമാക്കി. കൂടാതെ അപേക്ഷയുടെ സ്റ്റാറ്റസ് അപേക്ഷകർക്ക് വെബ്സൈറ്റിൽ നിന്ന് തന്നെ ഇനി മുതൽ അറിയാനും സാധിക്കും. ഇതിനായുള്ള സോഫ്റ്റ് വെയറുകൾ തയ്യാക്കിയത് കെഎസ്ആർടിസി ഐടി സെല്ലാണ്. പെൻഷൻകാരായ പഠിതാക്കൾക്കും പ്രായപരിധി ബാധകമല്ലാത്ത റെഗുലർ വിദ്യാർഥികൾക്കും ഇളവുകൾ ലഭിക്കില്ല.
