കാട്ടാക്കട: കാട്ടാക്കടയിൽ വൻ കഞ്ചാവ് വേട്ട. കാട്ടാക്കട എക്സൈസ് റേഞ്ച് ഇൻസ്പെകടർ വി.എൻ. മഹേഷിൻ്റെ നേതൃത്വത്തിൽ കാട്ടാക്കടയുടെ വിവിധ ഭാഗങ്ങളിൽ നടത്തിയ പരിശോധനയിൽ എംഡിഎംഎയുമായി രണ്ട് യുവാക്കൾ അറസ്റ്റിൽ.
23.521 ഗ്രാം എംഡിഎംഎയുമായി പാറച്ചൽ സ്വദേശി 28 വയസുള്ള നിവിൻ എസ് . സാബു വിനെയും കാട്ടാക്കട കെ എസ് ആർ ടി സി ബസ് സ്റ്റാൻഡു ഭാഗത്തു നിന്നും 0.430 ഗ്രാം എംഡിഎംഎയുമായി അമ്പലത്തിൻകാല സ്വദേശി 29 വയസുള്ള സനു എന്ന് വിളിക്കുന്ന കിരൺകുമാറിനെയും എംഡിഎംഎ കടത്തിക്കൊണ്ടു വന്ന ബൈക്ക് സഹിതം കസ്റ്റഡിയിൽ എടുത്തു. പാർട്ടിയിൽ പി ഒ ജയകുമാർ, സി ഇ ഒമാരായ സതീഷ് കുമാർ , ഹർഷകുമാർ,ശ്രീജിത്ത്‌,വിനോദ്, ഷിന്റോ എന്നിവർ പങ്കെടുത്തു.
