കോഴിക്കോട്: എംഡിഎംഎയുമായി കോഴിക്കോട് സ്വദേശിയായ യുവാവ് അറസ്റ്റിൽ.ഇ ഐ ആൻഡ് ഐ ബി ഓഫീസിലെ പ്രിവൻ്റീവ് ഓഫീസർ പ്രവീൺകുമാർ നൽകിയ രഹസ്യവിവരത്തിന്റെ അടിസ്ഥാനത്തിൽ പുലർച്ചേ 2 മണിക്ക് കോഴിക്കോട് വലിയങ്ങാടി ഭാഗത്ത് നടത്തിയ പരിശോധനയിലാണ് കോഴിക്കോട് സ്വദേശിയായ ഹർഷാദ് അലി( 33 എന്ന കെ.പി എന്നയാളെ 7.04 ഗ്രാം എംഡിഎംഎയുമായി പിടികൂടിയത്.
സംഭവത്തിൽ KL 08 BE 6425 നമ്പർ TVS NTORQ125 സ്കൂട്ടർ സഹിതം കോഴിക്കോട് റേഞ്ച് എക്സൈസ് ഇൻസ്പെക്ടർ കെ.സുധാകരനും പാർട്ടിയും അറസ്റ്റ് ചെയ്തു. പ്രതിയെ ഈ മാസം 17 വരെ കോഴിക്കോട് ജില്ലാ ജയിലിൽ റിമാൻഡ് ചെയ്തു.
പാർട്ടിയിൽ അസിസ്റ്റന്റ് എക്സൈസ് ഇൻസ്പെക്ടർ എം.കെ മോഹൻദാസ്, പ്രിവൻ്റീവ് ഓഫീസർ മിൽട്ടൺ എം.എസ്, EI &IB പ്രിവന്റീവ് ഓഫീസർ പ്രവീൺ കുമാർ, സിവിൽ എക്സൈസ് ഓഫീസർമാരായ ജുബീഷ് കെ, രജ്ഞിത്ത് ആർ, നിഖിൽ കെ, ദീപക് കെ, ഡ്രൈവർ എഡിസൺ കെ.ജെ എന്നിവർ ഉണ്ടായിരുന്നു.
