മുംബൈ: എണ്ണ ടാങ്കർ മറിഞ്ഞ് തീപിടിച്ചു. അപകടത്തിൽ നാലു പേർ മരിച്ചു. മൂന്നു പേർക്ക് പരിക്കേറ്റിട്ടുണ്ട്. മുംബൈ – പൂനെ എക്സ്പ്രസ് വേയിയാണ് അപകടം നടന്നത്. നിയന്ത്രണം വിട്ട ടാങ്കർ ഡിവൈഡറിൽ ഇടിച്ചു മറിയുക‍യായിരുന്നു. തുടർന്ന് പൂർണമായും കത്തിനശിച്ചു.
ഇതേ തുടർന്ന് എക്സ്പ്രസ് വേയുടെ ഇരുഭാഗത്തുനിന്നുമുള്ള ഗതാഗതം നിരോധിച്ചു. ടാങ്കർ ലോറിയിലുണ്ടായിരുന്ന ആളാണ് മരിച്ചവരിൽ ഒരാൾ . മറ്റു മൂന്നു പേർ അടുത്തുകൂടി ഇരുചക്രവാഹനത്തിൽ പോയവരും. അപകടം നടന്ന സ്ഥലത്തിന് സമീപത്തുകൂടി സ്കൂട്ടറിൽ പോയ യുവതിക്കും അവരുടെ രണ്ടു കുട്ടികൾക്കുമാണ് പരിക്കേറ്റത്.
