കോഴിക്കോട്: വിദ്യയെ ഒളിപ്പിച്ചതിന് പിന്നിൽ സിപിഎമ്മിലെ ഉന്നത നേതാവെന്ന് കെ മുരളീധരൻ എം പി. പൊലീസ് നാടകം കളിക്കുകയാണെന്നും പിന്നിലുള്ളവരെ സംരക്ഷിക്കാനാണ് ഈ നാടകമെന്നും അദ്ദേഹം ആരോപിച്ചു. ഇതിന് പിന്നിൽ സംസ്ഥാന ഘടകത്തിന് പങ്കുണ്ട്. ഇപ്പോൾ പുറത്തുവന്നത് പെയ്ഡ് സംരക്ഷകനാണെന്നും എന്നാൽ യഥാർത്ഥ സംരക്ഷകനെ പുറത്തു കൊണ്ടുവരണമെന്നും മുരളീധരൻ പറഞ്ഞു.
ഒന്നോ രണ്ടോ പേരിൽ ഒതുങ്ങുന്നത് അല്ല വിദ്യയെ സംരക്ഷിച്ചതിന് പിന്നിലുള്ളവർ. ഇതിൽ സംസ്ഥാന സെക്രട്ടറിയേറ്റിൽ വരെ ഉള്ള ആളുകളുണ്ട്. കൂടാതെ കോടതിയുടെ മേൽനോട്ടത്തിൽ ഉള്ള അന്വേഷണം വേണമെന്നും വ്യാജ സീൽ ഉൾപ്പെടെ കണ്ടെത്താൻ പൊലീസിന് കഴിഞ്ഞില്ലെന്നും മുരളീധരൻ പറഞ്ഞു.
