spot_imgspot_img

കേരളസർവ്വകലാശാല റിസർച്ചേഴ്സ് ഫെസ്റ്റ് ഉന്നതവിദ്യാഭ്യാസവകുപ്പിന് അഭിമാനം: മന്ത്രി ഡോ. ആർ. ബിന്ദു

Date:

തിരുവനന്തപുരം: കേരളസർവ്വകലാശാല നടത്തിയ റിസർച്ചേഴ്സ് ഫെസ്റ്റ് ഉന്നതവിദ്യാഭ്യാസവകുപ്പിന് അഭിമാനമായിയെന്നു മന്ത്രി ഡോ. ആർ. ബിന്ദു പറഞ്ഞു. നാലു ദിവസം നീണ്ട ഹൈറ്റ്സ് 2023 എന്ന റിസർച്ചേഴ്സ് ഫെസ്റ്റിവലിന്റെ സമാപനസമ്മേളനം ഉദ്‌ഘാടനം ചെയ്തു സംസാരിക്കുകയായിരുന്നു മന്ത്രി. ഉന്നതനിലവാരമുള്ള ഉള്ളടക്കത്തോടെ ഫെസ്റ്റ് സംഘടിപ്പിച്ച സർവ്വകലാശാലയെ മന്ത്രി അഭിനന്ദിച്ചു. എല്ലാ സർവ്വകലാശാലകളോടും ചേർന്ന് റിസർച്ച് പാർക്കുകൾ ആരംഭിക്കുമെന്നും അതിലൂടെ ഗവേഷണം കൂടുതൽ ഫലപ്രദകുമെന്നും മന്ത്രി അഭിപ്രായപ്പെട്ടു. കേരളസർവ്വകലാശാലയ്ക്ക് അനുവദിച്ച താണു പദ്മനാഭൻ റിസർച്ച് സെന്റർ സ്ഥാപിക്കുന്നതിന് കിഫ്‌ബി ഫണ്ട് വൈകാതെ ലഭ്യമാക്കുമെന്നും മന്ത്രി പറഞ്ഞു. പാർശ്വവൽക്കരിക്കപ്പെട്ടവരെ ഗവേഷണമേഖലയോട് ചേർത്തു നിർത്താൻ സാമ്പത്തിക സഹായം ഉറപ്പാക്കുമെന്നും മന്ത്രി പറഞ്ഞു.

പത്മശ്രീ ചെറുവയൽ രാമൻ സമ്മേളനത്തിൽ വിശിഷ്ടാതിഥിയായി പങ്കെടുത്തു.
നല്ല വെള്ളം നല്ല വായു നല്ല ഭക്ഷണം എന്നിവ നമ്മുടെ കുട്ടികൾക്ക് ഉറപ്പാക്കാൻ നാം ശ്രെമിക്കണമെന്ന് ചെറുവയൽ രാമൻ പറഞ്ഞു. കൃഷി ഇനി നിലനിൽക്കണമെങ്കിൽ സർക്കാർ ജീവനക്കാർക്ക് നൽകുന്നതുപോലെ കൃഷിക്കാർക്ക് ശമ്പളവും ആനുകൂല്യങ്ങളും നൽകണമെന്നും അദ്ദേഹം അഭിപ്രായപ്പെട്ടു.

സർവകലാശാല വൈസ് ചാൻസലർ പ്രൊഫ . മോഹനൻ കുന്നുമ്മൽ അധ്യക്ഷനായ യോഗത്തിൽ , ഉന്നത വിദ്യാഭ്യാസ കൗൺസിൽ വൈസ് ചെയർമാൻ പ്രൊഫ .രാജൻ ഗുരുക്കൾ പ്രത്യേക പ്രഭാഷണം നടത്തി. ചടങ്ങിൽ സർവകലാശാല മുൻ വൈസ് ചാൻസലർ പ്രൊഫ. വി .പി .മഹാദേവൻ പിള്ള, മുൻ പ്രൊ-വൈസ് ചാൻസലർ പ്രൊഫ.പി. പി. അജയകുമാർ, സിന്റിക്കേറ്റ് അംഗങ്ങളായ അഡ്വ .കെ .എച്ച് . ബാബുജൻ, ഡോ .എസ് .നസീബ് , പ്രൊഫ .കെ. ജി ഗോപ്ചന്ദ്രൻ, പി .രാജേന്ദ്രകുമാർ , ആർ. അരുൺകുമാർ, ജെ. ജയരാജ് ,എസ്. സന്ദീപ് ലാൽ, ഐ ക്യൂ എ സി ഡയറക്ടർ പ്രൊഫ .ഗബ്രിയേൽ സൈമൺ തട്ടിൽ,ഡിപ്പാർട്മെന്റ് യൂണിയൻ ചെയർപേഴ്സൺ എം. സി തേജസ്വിനി എന്നിവർ സംസാരിച്ചു. രജിസ്ട്രാർ ഡോ. കെ എസ് അനിൽകുമാർ നന്ദി പറഞ്ഞു.

Share This Post

LEAVE A REPLY

Please enter your comment!
Please enter your name here

Subscribe

Popular

More like this
Related

ചന്തവിള – റിട്ട: അദ്ധ്യാപിക വിമലകുമാരി അന്തരിച്ചു

കഴക്കൂട്ടം: ചന്തവിള അഭിരാമത്തിൽ അനിൽകുമാറിന്റെ ഭാര്യ വിമലകുമാരി എസ് (56 -റിട്ടയേഡ്...

നിപയല്ല, യുവതിയുടെ പരിശോധന ഫലം നെഗറ്റിവ്

കോഴിക്കോട്: നിപാ രോഗ ലക്ഷണങ്ങളോടെ കോഴിക്കോട് മെഡിക്കൽ കോളേജിൽ ചികിത്സയിലായിരുന്ന മലപ്പുറം...

ഗോകുലം റെയ്ഡ് അവസാനിച്ചു; കോടികൾ പിടിച്ചെടുത്തതായി സൂചന

ചെന്നൈ: വ്യവസിയും സിനിമ നിർമ്മാതാവുമായ ഗോകുലം ഗോപാലന്റെ ഓഫീസുകളിലെ ഇ ഡി...

പൃഥ്വിരാജിന് ആദായ നികുതി വകുപ്പ് നോട്ടീസ്

തിരുവനന്തപുരം: നടനും സംവിധായകനുമായ പൃഥ്വിരാജിന് ആദായ നികുതി വകുപ്പിന്റെ നോട്ടീസ്. മുൻ...
Telegram
WhatsApp