ബംഗളൂരു: ഭാര്യയുമായി പ്രണയ ബന്ധമുണ്ടെന്ന സംശയത്തെ തുടർന്ന് ഭർത്താവ് യുവാവിന്‍റെ കഴുത്ത് മുറിച്ച് ചോര കുടിച്ചു. വീഡിയോ ദൃശങ്ങൾ സമൂഹമാധ്യമങ്ങളിൽ പ്രചരിച്ചതോടെ പൊലീസ് കേസെടുത്ത് പ്രതിയെ അറസ്റ്റ് ചെയ്തു. യുവാവിൻ്റെ കഴുത്തിൽ ബ്ലേഡ് കൊണ്ട് വരഞ്ഞ് ചോര കുടിക്കുകയായിരുന്നു യുവാവ്. സംഭവം നടന്നത് കർണാടകയിലെ ചിക്ബല്ലാപുരയിലെ ചിന്താമണി താലൂക്കിലാണ്. ഗുരുതരമായി പരിക്കേറ്റത് മാരേഷ് എന്ന യുവാവിനാണ്.
സംഭവം നടന്നത് ജൂൺ 19-നാണ്. ചിന്താമണിക്ക് അടുത്തുള്ള വനമേഖലയിൽ സുഹൃത്തിനൊപ്പം എത്തിയാണ് വിജയ് മാരേഷിനെ ആക്രമിച്ചത്. മാരേഷിനെ ആളൊഴിഞ്ഞ സ്ഥലത്തേക്ക് വിളിച്ചു വരുത്തിയ ശേഷം ആക്രമിക്കുകയായിരുന്നു. പീന്നിട് മൂർച്ചയുള്ള ആ‍യുധം കൊണ്ട് കഴുത്തുമുറിക്കുന്നതും, പുറത്തേക്കൊഴുകുന്ന ചോര നക്കി കുടിക്കുന്നതുമാണ് വീഡിയോ ദൃശങ്ങളിലുള്ളത്.
