ആലപ്പുഴ: പുന്നപ്ര റസിഡൻഷ്യൽ സ്കൂളിലെ വിദ്യാർഥികൾക്ക് ഭക്ഷ്യവിഷബാധയെന്ന് റിപ്പോർട്ട്. 13 പേർക്കാണ് ഭക്ഷ്യവിഷബാധയേറ്റത്. ഇവരെ ആലപ്പുഴയിലെ ജനറൽ ആശുപത്രിയിൽ പ്രവേശിപ്പിച്ചു. അംബേക്കർ മോഡൽ റസിഡൻഷ്യൽ സ്കൂളിലെ ഹൈസ്കൂൾ, ഹയർസെക്കൻഡറി വിദ്യാർഥികൾക്കാണ് ഭക്ഷ്യവിഷബാധ സ്ഥിതീകരിച്ചത്.
സ്കൂൾ ഹോസ്റ്റലിൽ നിന്നും ഉച്ചയ്ക്ക് ഭക്ഷണം കഴിച്ചതിനു ശേഷം കുട്ടികൾക്ക് വയറുവേദനയും ഛർദിയും അനുഭവപ്പെട്ടിരുന്നു. ഇവർക്ക് ചോറും സാമ്പാറുമാണ് നൽകിയത്. ഈ ഭക്ഷണം മോശമാണെന്ന് കുട്ടികൾ പരാതിപ്പെട്ടിരുന്നുവെന്നും ഇതിനു ശേഷമാണ് കുട്ടികളിൽ അശ്വസ്ഥത അനുഭവപ്പെട്ടതെന്നും പറയുന്നു. ആലപ്പുഴ ജില്ലാ കലക്‌ടറെത്തി കുട്ടികളെ സന്ദർശിക്കുകയും ആരോഗ്യസ്ഥിതി വിലയിരുത്തുകയും ചെയ്തു.
