തിരുവനന്തപുരം: അതിഥി തൊഴിലാളികള്ക്കായി നിയമനിര്മ്മാണം നടത്തുമെന്ന് തൊഴിൽ വകുപ്പ് മന്ത്രി വി ശിവന്കുട്ടി. ആലുവയില് അഞ്ച് വയസ്സുകാരിയെ അതിഥി തൊഴിലാളി ക്രൂരമായി കൊലപ്പെടുത്തിയ സാഹചര്യത്തിലാണ് പുതിയ തീരുമാനം.നിയമനിർമ്മാണം കേന്ദ്ര കുടിയേറ്റ നിയമത്തിലെ വ്യവസ്ഥകൾ തൊടാതെയായിരിക്കും നടത്തുക. എന്നാൽ ഇപ്പോഴും കൃത്യമായ കണക്കുകൾ ശേഖരിക്കുന്നതിൽ തടസ്സങ്ങളുണ്ട്. അതിനാൽ ഓണത്തിന് മുമ്പ് അതിഥി ആപ്പ് പ്രവർത്തനം തുടങ്ങും.
ഓരോ തൊഴിലാളിയുടെയും വിവരങ്ങൾ ക്യാമ്പുകൾ സന്ദർശിച്ച് ശേഖരിക്കും. കൂടാതെ ഏതു സംസ്ഥാനത്തു നിന്നാണോ വരുന്നത് അവിടെത്തെ പൊലിസ് സർട്ടിഫിക്കറ്റും അതോടൊപ്പം ലേബർ വകുപ്പിൻ്റെ സർട്ടിഫിക്കറ്റും നിർബന്ധമാക്കും.വ്യവസ്ഥകൾ നിർബന്ധമാക്കുമ്പോൾ തൊഴിലാളികളുടെ വരവ് കുറയ്കാൻ കഴിയുമെന്ന് മന്ത്രി പറഞ്ഞു. കേരളത്തിലെ തൊഴിലാളികൾക്ക് നൽകുന്നതിനെക്കാൾ പരിരക്ഷ അതിഥികൾക്ക് നൽകുന്നുണ്ട്.അതവർ ദുരുപയോഗം ചെയ്യാൻ പാടില്ലെന്നും മന്ത്രി വ്യക്തമാക്കി.
