കഴക്കൂട്ടം: ഗാന്ധിയൻ ആദർശങ്ങളും ഖാദിവസ്ത്രത്തിന്റെ പ്രചരണവും മുൻനിർത്തി കഴക്കൂട്ടം ഗവൺമെൻറ് ഹയർ സെക്കൻഡറി സ്കൂളിൽ ഖാദി വസ്ത്രങ്ങളുടെയും ഉൽപ്പന്നങ്ങളുടെയും പ്രദർശന – മേള നടന്നൂ. ഗാന്ധിദർശൻ ക്ലബ്ബിന്റെയും സോഷ്യൽ സയൻസ് ക്ലബ്ബിന്റെയും ആഭിമുഖ്യത്തിൽ നടന്ന പ്രദർശന വിൽപ്പന മേള സ്കൂൾ പ്രിൻസിപ്പൽ ബിന്ദു ,ഹെഡ്മിസ്ട്രസ് ഷീജാധരൻ എന്നിവർ ചേർന്ന് ഉദ്ഘാടനം ചെയ്തു.
ഖാദി ഉൽപ്പന്നങ്ങളും വസ്ത്രങ്ങളും നേരിട്ട് കാണാനും അവയെ അടുത്തറിയാനും വിദ്യാർത്ഥികൾക്ക് ഖാദി ബോർഡ് അവസരം ഒരുക്കി. സ്കൂൾ ഓഡിറ്റോറിയത്തിൽ നടന്ന പ്രദർശന വില്പന മേളയിൽ സമീപപ്രദേശത്തെ സർക്കാർ സ്ഥാപനങ്ങളിലെ ജീവനക്കാരും വിദ്യാർത്ഥികളും പങ്കെടുത്തു. വരുന്ന ഗാന്ധിജയന്തി വാരത്തോടനുബന്ധിച്ചും പ്രദർശന വിൽപ്പന മേളകൾ നടത്തുമെന്ന് ഖാദി ബോർഡ് അധികൃതർ സ്കൂൾ അധികാരികളെ അറിയിച്ചു. ചടങ്ങിൽ പിടിഎ പ്രസിഡണ്ട് സഹീദ് എസ് എം സി ചെയർമാൻ ശ്യാംജിത്ത് തുടങ്ങിയവർ പങ്കെടുത്തു.
