തിരുവനന്തപുരം: നവിള ജംക്‌ഷൻ കലാഭവൻ മണി റോഡ് (റോസ് ഹൗസ്– പനവിള ജംക്‌ഷൻ റോഡ്) ഗതാഗതത്തിനു തുറന്ന് നൽകി. റോസ് ഹൗസ് മുതൽ പനവിള ജങ്ഷൻ വരെയുള്ള റോഡിന്റെ അവസാനഘട്ട ടാറിങ് വെള്ളിയാഴ്‌ച പൂർത്തിയാക്കിയിരുന്നു. ആഴ്ചകൾക്ക് മുൻപായിരുന്നു റോഡിന്റെ നവീകരണ പ്രവർത്തനങ്ങൾ ആരംഭിച്ചത്. നാളെ വൈകിട്ട് അഞ്ചിന് മന്ത്രി പി എ മുഹമ്മദ് റിയാസ്‌ റോഡിന്റെ ഉദ്ഘാടനം നിർവഹിക്കും.
ബേക്കറി ജങ്ഷനിലെ ഗതാഗതക്കുരുക്കിന്‌ വലിയ പരിഹാരമാകുന്ന റോഡ് സ്‌മാർട്ട് സിറ്റി പദ്ധതിയിൽ ഉൾപ്പെടുത്തിയാണ്‌ യാഥാർഥ്യമാക്കിയത്‌. തമ്പാനൂർ, തൈക്കാട് ഭാഗത്തേക്കുള്ള എളുപ്പ വഴിയാണ് കലാഭവൻ മണി റോഡ്. റോഡ് തുറന്നതോടെ വാഹന യാത്രക്കാർക്കും ആശ്വാസമായി. തമ്പാനൂർ ഭാഗത്തേക്കുള്ള ബസുകളും നേരത്തെ ഇതു വഴിയാണു സഞ്ചരിച്ചിരുന്നത്.
