പത്തനംതിട്ട: തിരുവല്ലയില്‍ ഭര്‍ത്താവിനൊപ്പം സഞ്ചരിച്ച ഇരുപത്തിമൂന്നുകാരിയേയും കുഞ്ഞിനെയും കാറിലെത്തിയ നാലംഗ സംഘം തട്ടിക്കൊണ്ടുപോയി. തിരുവല്ല തിരുമൂലപുരത്ത് തിങ്കളാഴ്ച രാത്രി 11 മണിക്കായിരുന്നു സംഭവം.
ഭർത്താവിനൊപ്പം ബൈക്കിൽ പോകുമ്പോൾ കാർ കുറുകെ നിർത്തിയാണ് ഇരുവരെയും തട്ടികൊണ്ടുപോയതെന്ന് പരാതിയിൽ പറയുന്നു. സംഭവത്തിനു പിന്നിൽ പെൺകുട്ടിയുടെ കാമുകനാണെന്നാണ് സൂചന.
ഭർത്താവ് സന്ദീപ് സന്തോഷിന്‍റെ പരാതിയിൽ ചെങ്ങന്നൂർ സ്വദേശിയായ കാമുകന്‍ പ്രിന്‍റോ പ്രസാദിനെതിരെ കേസെടുത്ത് അന്വേഷണം ആരംഭിച്ചതായി തിരുവല്ല പൊലീസ് അറിയിച്ചു.
