കോഴിക്കോട്: പുനെ വൈറോളജി ഇൻസ്റ്റിറ്റ്യൂട്ടിലേക്കയച്ച സാമ്പിളുകളുടെ ഫലം വന്നതോടെ കോഴിക്കോട് 4 പേർക്ക് നിപ സ്ഥിരീകരിച്ചതായി ആരോഗ്യമന്ത്രി വീണാ ജോർജ്. മരിച്ച രണ്ടു പേർക്കും ചികിത്സയിലിരിക്കുന്ന 2 പേർക്കുമാണ് നിപ രോഗബാധ സ്ഥിരീകരിച്ചത്.
നേരത്തെ നിപയാണെന്ന് സ്ഥിരീകരിച്ച് കേന്ദ്ര ആരോഗ്യമന്ത്രി രംഗത്തെത്തിയിരുന്നു. എന്നാൽ ഇക്കാര്യത്തിൽ കേരളത്തിന് ഔദ്യോഗിക അറിയിപ്പ് ലഭിച്ചിട്ടില്ലെന്നായിരുന്നു വീണാ ജോർജിന്‍റെ പ്രതികരണം.
