നെടുമങ്ങാട്: പനയമുട്ടം ജംഗ്ഷനിൽ നിന്നും കെഎസ്ആർടിസി ബസ് കയറാൻ എന്ന വയോധികൻ ബസിനടിയിൽപ്പെട്ട് മരിച്ചു. പനയമുട്ടം സതീഷ് ഭവനിൽ ജെ കൃഷ്ണൻ നായർക്കാണ് ഈ ദാരുണാന്ത്യം ഉണ്ടായത്. ഇന്നലെ വൈകുന്നേരം മൂന്നു മാണി കഴിഞ്ഞതോടെയായിരുന്നു അപകടം. ക്ഷീരകർഷകനായ കൃഷ്ണൻ നായർ ആട്ടുകാൽ ക്ഷീരോൽപാദക സംഘത്തിൽ പാൽ കൊണ്ടുപോകാൻ ജംഗ്ഷനിൽ ബസ് കാത്തു നിന്നതാണ്. മൂന്നു മുപ്പതിന് ചേപ്പിലോട്ട് നിന്ന് നെടുമങ്ങാട്ടേക്ക് വരികയായിരുന്ന ബസ് ആയിരുന്നു കൃഷ്ണൻ നായർക്ക് അപകടമുണ്ടാക്കിയത്.
ബസിന്റെ മുൻഭാഗം എങ്ങനെയോ തട്ടിയ കൃഷ്ണൻ നായർ വീണു ബസ്സിന് അടിയിൽ പെടുകയായിരുന്നു മുന്നിലെയും പിന്നിലെയും ടയറുകൾ തലയിൽ കൂടി കയറി ഇറങ്ങിയിട്ടുണ്ട്. സംഭവസ്ഥലത്ത് തന്നെ മരിച്ച കൃഷ്ണൻ നായരുടെ മൃതദേഹം നെടുമങ്ങാട് പോലീസ് എത്തി മേൽ നടപടികൾ സ്വീകരിച്ച് തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. ഇന്നു പോസ്റ്റുമോർട്ടത്തിനുശേഷം മൃതദേഹം ബന്ധുക്കൾക്കു വിട്ടുനൽകും.
