കഴക്കൂട്ടം : സുഹൃത്തിനെ വെട്ടിപ്പരിക്കൽപ്പിച്ച പ്രതി പിടിയിൽ . പള്ളിത്തുറ, പുതുവൽ പുരയിടം തിരുഹൃദയ ലൈനിൽ ഡാനി റെച്ചൻസിനെ (35) ആണ് തുമ്പ പോലീസ് അറസ്റ്റു ചെയ്തത്. തുമ്പ സ്വദേശിയായ സന്തോഷിനെയാണ് വെട്ടി പരിക്കേൽപ്പിച്ചത്.
കാണുമ്പോൾ മിണ്ടാത്തത്തിലുള്ള വിരോധം നിമിത്തമാണ് വീട്ടിലെത്തി വിളിച്ചിറക്കി ആക്രമിക്കുകയും കൈയ്യിൽ കരുതിയിരുന്ന ആയുധം ഉപയോഗിച്ച് തലയിലും ചെവിയുടെ മുകളിലായും, കൈത്തണ്ടയിലും വെട്ടി പരിക്കേൽപ്പിക്കുകയും ചെയ്തു.
അറസ്റ്റിലായ ഡാനി റെച്ചൻസ് തുമ്പ പോലീസ് സ്റ്റേഷനിലെ നിരവധി കേസ്സുകളിലെ പ്രതിയും, ക്രിമിനൽ ലിസ്റ്റിൽ ഉൾപ്പെട്ടിട്ടുള്ളയാളുമാണെന്ന് പോലീസ് പറഞ്ഞു.അറസ്റ്റിലായ പ്രതിയെ റിമാൻഡ് ചെയ്തു.
