തിരുവനന്തപുരം: പനവൂർ പഞ്ചായത്തിലെ പനയമുട്ടം ഗവന്മെന്റ് എൽ പി സ്കൂളിൽ ഗാന്ധിജയന്തി ആഘോഷങ്ങളുടെ ഭാഗമായി ഗാന്ധി പ്രതിമ അനാച്ഛാദനം ചെയ്തു.എം എൽ എ ഡി കെ മുരളിയാണ് അനാച്ഛാദന കർമ്മം നിർവഹിച്ചത്.പനവൂർ പഞ്ചായത്ത് പ്രസിഡന്റ് മിനി അധ്യക്ഷയായിരുന്നു.
സ്കൂൾ ഹെഡ്മിസ്ട്രസ് വി സന്ധ്യ സ്വാഗതം ആശംസിച്ചു. പഞ്ചായത്ത് വൈസ് പ്രസിഡന്റ് പി എം സുനിൽ, തിരുവനന്തപുരം ജില്ലാ വിദ്യാഭ്യാസ – വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺമാർ, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ, ബ്ലോക്ക് മെമ്പർ തുടങ്ങി നിരവധിപേർ സന്നിഹിതരായിരുന്നു. സ്കൂൾ പി ടി എ പ്രസിഡന്റ് മനീഷ് എൻ കൃതജ്ഞത രേഖപ്പെടുത്തി.
