ഡൽഹി: അഞ്ച് സംസ്ഥാനങ്ങളിലേക്കുള്ള നിയമസഭാ തെരഞ്ഞെടുപ്പ് തീയതി മുഖ്യ തെരഞ്ഞെടുപ്പ് കമ്മീഷണർ രാജീവ് കുമാർ പ്രഖ്യാപിച്ചു. നവംബർ ഏഴിന് ആരംഭിച്ച് 30 നു വോട്ടെടുപ്പ് അവസാനിക്കും. ഡിസംബർ 3 നാണ് ഫലപ്രഖ്യാപനം.
മധ്യപ്രദേശ്, രാജസ്ഥാൻ, ഛത്തീസ്ഗഡ്, തെലങ്കാന, മിസോറാം സംസ്ഥാനങ്ങളിലാണ് തിരഞ്ഞെടുപ്പ്. ഛത്തിസ്ഗഡിൽ രണ്ടു ഘട്ടമായിട്ടും മറ്റു സംസ്ഥാനങ്ങളിൽ ഒരു ഘട്ടവുമായിട്ടാണ് വോട്ടെടുപ്പ്. മിസോറമിൽ നവംബർ 7നും മധ്യപ്രദേശിൽ നവംബർ 17നും രാജസ്ഥാനിൽ നവംബർ 23 നും തെലങ്കാനയിൽ നവംബർ 30 നുമാണ് തിരഞ്ഞെടുപ്പ്. ഛത്തിസ്ഗഡിൽ നവംബർ 7നും 17 നും തിരഞ്ഞെടുപ്പ് നടക്കും.
ഒക്ടോബർ 13 ആണ് നാമനിർദേശപത്രിക സമർപ്പിക്കാനുള്ള അവസാന തീയതി. പത്രിക പിൻവലിക്കാനുള്ള അവസാന തീയതി ഒക്ടോബർ 21 നുമാണ്.
